Предыдущая публикация
***
Үзгәрәбез, ахры. Ераклаша
Дуслар белән дуслар арасы.
(Якын дустын түгел, туганын да
Оныта кайчак адәм баласы).
Ябыламы һәркем үз эченә?
Дөнья мәшәкате басамы?
Күпләр, бәлки, инде тиң күрмичә,
Дус-ишеннән үзе качамы?
Вакыт сыный, ахры, дуслыкны да.
(Һәркем тик үзенчә аклана).
Еллар үткәч, араларда бары
Чын-чын дуслык кына саклана...
Физәлия Дәүләтгәрәева
Следующая публикация
Нет комментариев