Предыдущая публикация
Өйдә җылы, рәхәт...
Кемдер йоклый... Кемдер эчә чәен...
Көзләремнең учагы да җылы,
Сагынмыймын шау чәчәкле җәен...
Көзләр ямьле! Һавасы да рәхәт!
Төсләре дә кабатланмас үзгә..
Торып-торып гашыйк була барам,
Тормышыма, ел фасылы - көзгә!
Көзләр башка... Яз да, җәй дә түгел!
Өлгергән чак! Чәчәк түгел, җимеш!
Һич килешмим... Кара, шыксыз, диләр...
Сары көзләр - сагыш төсе, имеш...
Алтын ул көз, йөрәкләрдә ялкын!
Мин генәме көз яраткан, яле?
Бер - береңә җылы бирүдә бит,
Көзләрнең дә, тормышның да яме!
Ял иртәсе! Өйдә шундый рәхәт!
Җылы учак! Кайнап тора чәем!
Гомеремнең көзләре дә ямьле!
Сагынмыймын шау чәчәкле җәен...
Гөлара Шәрипова
Присоединяйтесь к ОК, чтобы подписаться на группу и комментировать публикации.
Нет комментариев