Предыдущая публикация
Зеленский: Украина суқут кунад, Путин барои интиқом ба Сурия бармегардад!
Владимир Зеленский рӯзи шанбе дар ҷараёни сафар ба Париж ҷиҳати ширкат дар маросиме барои бозгушоии калисои Нотр-Дам бо раисҷумҳури Фаронса ва раисҷумҳури мунтахаби Амрико дидор кард; Дидоре, ки ибтидо аз нигоҳи Зеленский «хуб ва созанда» тавсиф шуд, аммо баъдан вокуниши дигаре нишон дод.
Зеленский дар пусте дар шабакаи иҷтимоии “Х” навишт: «Ин равиши хотимаи ҷанг нест. Ҷанг наметавонад ба осонӣ бо як тикка коғаз ва чанд имзо ба поён бирасад. Як оташбаси бидуни ироаи тазминҳо метавонад ҳар лаҳза нақз шавад.»
Владимир Зеленский, душанбе муддаӣ шуд, ки «ҳудуди 800 ҳазор неруи рус дар Украина ҳастанд. Ин яъне кулли артиши импературии бузурги сохтагӣ дар ҳоли ҷанг алайҳи мардуми Украина аст».
Изҳороти Владимир Зеленский дар ҳоле баён шуда, ки ӯ бо таваҷҷуҳ ба чашмандози ҳузури Доналд Трамп дар Кохи Сафед, дар талош барои ҷалби ҳимоят аст; Аммо изҳороти дирӯзаш нишон медиҳад, ки дар он тавфиқе надоштааст.
Раисҷумҳури Украина баъд аз дидори ахир бо раисҷумҳури мунтахаби Амрико дар Фаронса, гуфт, ки қасд дорад бо Байден дар бораи мавзӯъи узвияти Украина дар НАТО гуфтугӯ кунад, зеро ҳарф задан бо Доналд Трамп бефоида аст.
Тибқи гузоришҳо, тарҳи Доналд Трамп барои поён додан ба ҷанги Украина, имтиёзоти арзӣ ба Русия ва таълиқи раванди пайвастани Киев дар эътилофи низомии НАТО-ро шомил мешавад.
Владимир Зеленский дар идомаи талош барои муртабит кардани таҳаввулоти Сурия бо ҷанги Украина, муддаӣ шуд, ки «Агар Украина суқут кунад, Путин барои интиқом ба Сурия бозмегардад ва ба Африқо ва бисёре аз манотиқи мавриди алоқааш». Пас «барои ҷилавгирӣ аз ин амр, бояд тамоми ҷаҳон даври Украина муттаҳид шавад». https://tajikpress.com/2024/12/10/%d0%bf%d1%83%d1%82%d0%b8%d0%bd-%d1%83%d0%ba%d1%80%d0%b0%d0%b8%d0%bd%d0%b0-%d1%81%d1%83%d1%80%d0%b8%d1%8f/
Следующая публикация
Нет комментариев