Предыдущая публикация
Афзоиши исломҳаросӣ дар Амрико пас аз ҷанги Ғазза
Бар асоси назарсанҷии Шӯрои равобити амрикоӣ - исломӣ, беш аз 80 дарсад аз мусулмонони иёлати Вашингтон дар соли гузашта ҳадафи исломҳаросӣ қарор гирифтанд.
Ба гузориши The South Seattle Emerald, пас аз оғози ҷанг дар Навори Ғазза ҷавомеъи мусулмон дар Амрико соли сахтеро пушти сар гузоштанд. Бисёре аз онҳо нигарони вазъи ақвом ва дӯстони худ дар Навори Ғазза будаанд.
Аз сӯи дигар ба қудрат расидани дубораи Доналд Трамп, хотироти талхи давраи аввали раёсат ҷумҳурии ӯ барои мусулмононро дубора зинда кардааст; аз ҷумла қонуни мамнуъияти сафар дар январи 2017 ки афроди ҳафт кишвар бо аксарияти мусулмонро аз сафар ба Иёлоти Муттаҳида манъ карда буд.
Тибқи назарсанҷии моҳи ноябри Шӯрои равобити амрикоӣ – исломии шуъбаи Вашингтон дар Амрико, тақрибан 83 дарсад аз мусулмонони ин иёлат дар соли гузашта қурбонии исломҳаросии ин кишвар шудаанд.
Умрон Сиддиқӣ, мудири иҷроии шуъбаи Вашингтон ини Созмон гуфт: ба унвон касе ки дар хати мақддам бо ҷомеъа сарукор дорам, ин омор шикоферо ки байни сиёсатгузорон, ниҳодҳо ва созмонҳои муҷрии қонун вуҷӯд дорад, ошкор мекунад, зеро ҷое барои афроде ки исломҳаросиро таҷриба кардаанд дар назар нагирифтаанд.
Тахмин зада мешавад ки 80 то 100 ҳазор мусулмон дар Вашингтон зиндагӣ мекунанд, ки аксарияти онҳо дар Кинг Кантӣ зиндагӣ мекунанд. Дар соли ҷорӣ чандин маврид хушунати хоссе алайҳи онҳо рух додааст. Дар моҳи июн, як ҷавони мусулмони 17 сола ки мехост як туфанги асбоб бозиро ба як фурӯшгоҳи варзишӣ баргардонад, дар Рентон ба зарби гулӯла кушта шуд. Ҳиҷоби як зани мусулмон дар моҳи феврал дар маҳали Кораш дар минтақаи донишгоҳи Сиятел бо заработи чоқу аз сари ӯ бардошта шуд. https://tajikpress.com/2024/11/30/%d0%b8%d1%81%d0%bb%d0%be%d0%bc%d2%b3%d0%b0%d1%80%d0%be%d1%81%d3%a3-%d0%b0%d0%bc%d1%80%d0%b8%d0%ba%d0%be-%d2%93%d0%b0%d0%b7%d0%b7%d0%b0/
Следующая публикация
Нет комментариев