Сабзининг ҳар икки нави ҳам қанд моддаси, оқсил, эфир мойи ва фойдали ёғларга бой. Унинг шифобахшлигини оширувчи хислати унда бета-каротиннинг кўплиги, (А провитамини), С, Е, К витаминлари ва бир неча витаминлар гуруҳи: В — В1, В2, В3, В6, В9 витаминларининг мавжудлигидир. Ундан ташқари, сабзида микро ва макроэлементлардан калий, кальций, фосфор, мис, хром, рух, фтор ва темир кабилар сақланади.
ОРГАНИЗМДАГИ МИКРОБЛАРНИ ЎЛДИРАДИ
Сабзи шарбати — авитаминознинг энг биринчи халоскори. Фитонцидларнинг сабзи таркибида сақланиши организмдаги микробларни ўлдиришга сабаб бўлади. Шунинг учун сабзи шамоллаш ва (томоқ бодомсимон безларининг яллиғланиши) тонзиллитга даво бўлади.
ХАВФЛИ ШИШ ВА САРАТОНГА ҚАРШИ
Олимларнинг аниқлашича, сувлик сабзи хавфли шишларга шифо экан. Бунинг учун 5-6 дона хом сабзининг пўстини арчмасдан сирли кострюлькага солиб, устига 1 литр сув қуйинг ва 20-25 дақиқа қайнатинг. Сўнг уни сиздириб олиб, сувини илиқ ҳолатда ичинг. Бундай қайнатмада сабзининг барча витамин ва микроэлементлари сувига чиқади, яъни унинг калорияси — 35 ккал, оқсили — 1,3 г, ёғи — 0,1 г ва углеводи 6,9 г лигича ўзида сақланади. Бу эса танадаги хавфли ўсимта ва ортиқча шишларни бартараф этади.
Шунингдек, хавфли ўсимтани йўқотиш учун сабзи малҳами жуда фойдали. Бу малҳам шишларнинг барчасига қарши қўлланилади. Бунинг учун сабзини қиймалагичдан ўтказиб олинг ва сувини озроқ сиқиб, 4 қаватли дока тампон устига қўйинг ҳамда танангиздаги шиш устига жойлагач, унинг устидан пахтали мато билан ўраб қўйинг. Бу муолажани шиш бутунлай қайтиб кетгунича такрорланг. Бундан ташқари, сабзи шарбатига 1 ош қошиқ асал аралаштириб, кунига 3-4 маҳал ичсангиз, саратон хавфидан қутуласиз.
САБЗИНИНГ ШИФОБАХШ
ХУСУСИЯТЛАРИ
* Сабзи ошқозонга қувват бериб, ундаги овқатни ҳазм қилади, шунинг учун қаттиқ таом еганингиздан сўнг сабзи шарбати ичинг.
* У ични мулойим қилиб, ичакларнинг ҳаракатланишини яхшилайди. Ўткир ва сурункали йўталга шифо бўлиб, балғамнинг тезлик билан ажралиб чиқишига ёрдам беради.
* Сабзи шарбати танада ушланиб қолган пешобни ҳайдайди, буйрак ва пешоб йўлидаги тошларни майдалаб туширади. Сабзини ҳар қандай ҳолатда истеъмол қилиш мумкин. Бу унинг шифобхш хусусиятини ўзгартирмайди.
* Сабзининг хоми қаттиқ бўлади, аммо ундан мураббо тайёрлаб есангиз, истисқога шифо бўлади. Ичаклардаги оғриқ барҳам топади.
* Агар янги туғилган чақалоқнинг бадани сабзи поясининг қайнатмаси билан ювилса, унинг танаси қаттиқ ва барча зарарли инфекциялардан холи бўлади.
* Сабзи мураббосини шакар қиёмига эмас, суюлтирилган асал қиёмига солиб қайнатсангиз, у жуда қувватли бўлади. Уни бачадон шамоллаши, қувватсизлик, ошқозон, жигар ва ўт қопи шамоллашига қарши шифобахш дори сифатида истеъмол қилиш мумкин.
* Бир кеча-кундуз сиркага бостириб қўйилган сабзи танадаги тўпланиб қолган ортиқча моддаларни пешоб орқали ҳайдаб чиқаради. Ичакларни тозалайди.
* Сабзи шарбатига бироз шакар аралаштирсангиз, мураббодан кам бўлмайди. Ҳатто ҳазм бўлиши мураббога нисбатан енгилроқ бўлади. Фақат уни узоқ вақт сақлаб бўлмайди, холос. Шунинг учун бу шарбатни ичишдан олдин тайёрлаш лозим. Мазкур шарбат ошқозон-ичак, жигар ва буйракларга даво бўлади.
* Танада соғлом моддалар пайдо бўлиши учун сабзини улоқ гўшти билан қўшиб қовуринг. Яхшилаб пиширилган бундай сабзи ва улоқ гўшти ҳил-ҳил бўлиб қолади ва ҳазм бўлиши осонлашади.
* Уни блендер ёки шарбатсиққичдан чиқариб ичсангиз, жигар хасталигига даво бўлади.
* Ундан ташқари, сабзи шарбатини доимий ичиб юриш ичакдаги бодни ҳайдаб, қорин дамини қайтаради. Қизлардаги ҳайз келмасликка барҳам бериб, ойма-ой тартиб билан келишини таъминлайди.
* Айниқса, янги келин бўлган келинчакларга бу муолажанинг таъсири жуда катта. Фарзанд бўлиши қийинлашаётган бир пайтда бу шарбатдан узлуксиз ичиб юрса, шамоллаши кетади ва қуввати ошади. Бу эса унинг ҳомиладор бўлишини тезлаштиради. Бунинг учун сабзи шарбатини кунига 4 маҳал овқатдан 30 дақиқа олдин оч қоринга 1 стакандан ичиш тавсия этилади.
* 1 ош қошиқ майдаланган сабзи уруғини стаканга солиб, устидан қайноқ сув тўлдиринг ва 30 дақиқага бостириб қўйинг. Дамлама тайёр бўлгач, оч қоринга наҳорги нонуштадан 30 дақиқа олдин ичинг. Бу дамлама йўтални даволаб, балғамни кўчиришга ёрдам беради.
* Сабзи шарбати ошқозон-ичак, пешоб йўли, буйраклар ва ҳар бир бўғимдаги тўпланиб қолган тузларни ҳам ҳайдайди. Бир ойлик муолажанинг ўзи хасталикни енгишга етади.
* Чақалоқнинг қорни дам бўлса, бу шарбатдан бир чой қошиқчадан кунига 4-5 маҳал ичириб юборинг, шунда ичаги юришиб, қорин дами кетади. Иложи бўлса, бола 6 ойликдан ошганидан сўнг бу шарбатни унинг таомномасига киритиб, кунига 4-5 маҳал 2-3 чой қошиқчадан ичиришни одат қилсангиз, боланинг қорни ҳеч қачон дам бўлмайди, ичи қотмайди, буйрак, жигар, талоқ ва пешоб йўлларида муаммо бўлмайди.
САБЗИ УРУҒИДАН ШИФОБАХШ РЕЦЕПТЛАР
* Сабзи уруғидан тайёрланган малҳам чаён ва бошқа заҳарли ҳашаротнинг заҳрини чиқариб юборади. Бунинг учун сабзи уруғини янчиб, уни зуптурум (баргизуб) билан бирга ҳашарот чаққан жойга қўйиб боғласангиз, заҳарнинг танага тарқалиб кетишининг олдини олади ва ташқарига тортиб чиқаради.
* Агар худди шу малҳамни шамоллаш натижасида газакланиб пайдо бўлган яра ва шишлар устига қўйсангиз, яранинг пишиши тезлашади ва шиш қайтади.
ИММУНИТЕТНИ КЎТАРУВЧИ ШЎРВА
Сабзи ва занжабилдан шўрва-пюре тайёрлаш учун 2 ош қошиқ писта ёғида майда тўғралган 1 дона пиёзни эзилгунча (5-8 дақиқа) қовуринг. Сўнг 500 г майдаланган сабзи ва 2 ош қошиқ майдаланган занжабил қўшиб, яна 5-10 дақиқа қовуринг. Улар яхшилаб қовурилгач, устидан 0,5 литр қайноқ сув қуйинг. Бульон қайнаб чиққач, оловни пасайтиринг ва яна 30 дақиқа қайнатинг. Тайёр бўлгач, унга 25 г сариёғ ва 1 ош қошиқ асал қўшиб аралаштиринг. Бу шўрвани кунига 1 маҳал тайёрлаб ичсангиз етади.
САБЗИ БАРГЛАРИ ВАРИКОЗГА ДАВО
Сабзининг қуритилган барги дамланган чой варикозни даволайди. Бунинг учун исталган вақтда сув ва чой ўрнида сабзи барги дамламасини ичиш лозим.
Бу қайнатмани геморрой, уйқусизлик ва кўз хиралашувига қарши қўллаш мумкин.
МАСТИТГА ҚАРШИ САБЗИ ВА
КАРАМ
3-4 дона сабзини тозалаб қирғичдан чиқариб, кўкрак безлари устига жойланг. Устидан карам баргини қўйинг ва бинт билан боғланг. Худди шу муолажани 1 ой давомида кечаси ухлагунча қўлласангиз, маститдан халос бўласиз. Оғриқ босилиб, яллиғланишдан қутуласиз.
САБЗИ ҚИРИНДИСИ ОШҚОЗОН ЯРАСИГА ДАВО.
Сабзи қириндисидан кичик думалоқ шаклчалар ясаб қўйинг ва уни ошқозон ярасини даволаш мақсадида эрталаб-кечқурун овқатдан 30 дақиқа олдин истеъмол қилинг. Бунинг учун 5-6 дона сабзини баргидан ажратиб, бутунлигича шарбат сиққичга солинг. Ундан чиққан шарбатни кечқурун ётишдан олдин ичинг. Ажралиб чиққан сабзи қириндисидан эса юқорида айтилгани каби шарикчалар ясаб, музлаткичга қўйинг. Шарикчалар музлаткичда 1 ҳафтадан ортиқ турмасин.
САБЗИ КОСМЕТИКАСИ
Сабзи ҳамиша уй шароити косметологиясида муҳим ўрин эгаллаб келган. Сабзидан тайёрланган ниқоб юзни ёшартиради, таранглаштиради ва тиниқлаштиради. Бунинг учун қирғичдан ўтказилган сабзини юзингизга суртиб, 25 дақиқа ётинг. Сўнг юзингизни илиқ сувда ювиб ташлаб, тўйинтирувчи крем суртиб қўйинг.
2 - макола.
Сабзи шарбати замбуруғли касалликлардан асрайди
Биласизми, ҳар куни овқатга саримсоқ ва пиёз қўшиб ейиш инсонни турли замбуруғли касалликлардан асрайди. Чунки бу маҳсулотлар замбуруғга қарши курашиш хусусиятига эга. Шунинг учун ҳам ҳар куни, имкони бўлса, албатта, эрталабки нонуштада бир бўлак саримсоқ истеъмол қилишга одатланиш керак.
Бизнинг оилада бунга қарийб йигирма беш йилдан бери амал қилинади. Отам узоқ юртларда хизмат қилган пайтларида икки дўсти оёқларида замбуруғ касаллигини орттириб, анча вақт ундан азият чекиб юрган экан. Отам бир куни тасодифан учратиб қолган кекса бир кампирнинг маслаҳати билан бу дардга йўлиқмаган экан. Дўстларига ҳам ана шу рецепт ёрдам берган. Ўша рецепт бошқа юртдошларимизга ҳам фойда берар деган мақсадда уни газета орқали тавсия этмоқчиман.
Тери ёки тирноқлар замбуруғида 150 г сабзи шарбатига 90 г исмалоқ шарбати аралаштирилади ва ҳар овқатланишдан бир соат олдин ичилади. Шунингдек, 150 г сабзи шарбатига 45 г лавлаги, 45 г бодринг шарбати аралаштириб ичиш ҳам яхши самара беради.
«7 Мўъжиза» газетасидан
МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ
Присоединяйтесь к ОК, чтобы подписаться на группу и комментировать публикации.
Комментарии 27
Мен бундан анча пайт олдин сабзини пустини тозалаб киргичдан утказиб сувини ичардим. Куз шифокориям айтганди буни. Сабзини суви кузни зрениясини яхшиларкан.
Ха гапингиз тугри.
Xayrli kech
Купнинг каторида,
Яхшилар ардогида
АЛЛОХ ТАОЛОнинг саногида,
Мехр, Мурувват булогида,
Бугунги Кунни Сог омон
Куриш Имконида булганимиз учун,
АЛЛОХга ХАМДУ САНОЛАР булсин.
Бугунги Кун,
Дардманларга, Табибидан,
Ёлгизларга, Хабибидан,
Илм истагидагиларга,
Нурли Хидоятдан,
Сахий инсонларга,
Бе Адад Барокатдан,
Бир Мужда ва Нажот олиб келсин!
Яхши курганларингиз Сизга Мехрли булсин.
Хурсандчилигиз, Сизни,
Яхшилар ичида Яшнатсин!
Бошланаётган Кун Сизга, Хайрли ва Барокатли келсин!
Кун давомида Яхши кайфият хамрохингиз булсин!
Якинларни йуклашни, Кексаларни ва Беморларни,
Зиёрати доимо чин дилдан булсин.
Укиган ХАДИС ёки ОЯТ лариз ёдингизда турсин.
Дуо олинг, Узингиз хам Гойибларни дуо килинг,
Умрингиз, Илмингиз Зиёда булсин!
ЖУМА АЙЙОМИНГИЗ МУБОРАК БОЛСИН.
Хайрли тонг!
Соғ–саломат уйғотган Роббимизга ҳамдлар бўлсин!
Бугунги кунингиз кечаги кунингиздан хайрли, файзли, манфаатли ва баракалироқ бўлсин, азизлар!
Аллоҳ розилигига етишишликни барчамизга насиб айласин.