Предыдущая публикация
სურნელება ღვთიური
არაამქვეყნიური
უფრო ალბად ციური
თითქმის მარადიული
სილამაზე მიწიერს
სულაც არ ჰგავს შენი
ეგ ღიმილი ისე
ისე მაგრად გშვენის
სურნელება გიხდება
ზეციურის მსგავსი
მზად ვარ შენთვის კიდეც
შევიცვალო მრწამსი
მაგ თლილ თითებს თუკი
შეახებ ჩემს სახეს
და თუ ნებას მომცემ
დაგიკოცნი ბაგეს
ვიცი დამწვავს სიცხე
შენი ცეცხლის ალი
მგონი ჯობს რომ გერქვას
კვლავ ოცნების ქალი
კვლავ გიყურო შორიდან
სითბო შორს მდგარს მათბობდეს
ზამთარ ზაფხულ შენზე
შენზე ფიქრი მათოვდეს
სურნელება შენი
მიწიერი არა
რომ შევიგრძნო შორიდან
ჩემთვის ისიც კმარა
ღვთაება ხარ ჩემი
ვერ მოვდივარ ახლოს
ამის ნება ალბად
ზეცამ უნდა დამრთოს
მისთვის გიცქერ მხოლოდ
ნებას ვითხოვ ციდან
სიყვარულის ცეცხლში
ჩავიფერფლო მინდა
და თუ ნებას დამრთავს
ზეციერი ამის
შეიკრიბოს ყველა
მოყვარული დრამის
ნახონ როგორ აალდება
შეხებისას სხეული
ნახონ როგორ დაიწვება
გრძნობით გადარეული
ნახონ როგორ დამწვავს სიცხე
დამწვავს როგორ ტრფობის ალი
და დარჩები კვლავ ოცნებად
სილამაზის დედოფალი
Aug 20,2014
ზვიო
Следующая публикация
Нет комментариев