ГУП РК «КРЫМЭНЕРГО» ХАБЕР ЭТЕ:
ДИКЪКЪАТ, ДОЛАНДЫРЫДЖЫЛАР!
Къырымда бельгисиз шахыслар, ГУП РК «Крымэнерго» хадимлери
деп озюни танытып, гражданларнынъ эвлери, квартиралары, эм айны заманда
муэссиселернинъ ве ширкетлернинъ офислерине киргенлери бельгиленди. Яланджыларнынъ къанунсыз арекетлерине ёл
бермемек ичюн, ширкет ватандашларны мукъайт олмаларыны тенбийлей.
Шимдики вакъытта ватандашларнынъ эв, квартира ве ширкет
офислерине, озьлерини ГУП РК «Крымэнерго» («Энергонадзор», «Энергосбыт»
контролёрлары) хадимлери оларакъ танытаракъ, бельгисиз шахыслар киргенлери
белли.
Ихтимал ки, бу бельгисиз шахысларнынъ эльде эткен малюматы
узеринден къанунгъа къаршы арекетлер (хырсызлыкъ, доландырыджылыкъ ве иляхре)
япыла биле.
Электрик энергия истималджыларынынъ дикъкъатына: эгер де
кельген инсан озюни ГУП РК «Крымэнерго» хадими оларакъ танытса, мытлакъа
шеадетнамесини косьтермесини талап этинъиз.
ГУП РК «Крымэнерго» хадими, иш вазифелерини беджерген
вакъытта, иш анълашмасына ве локаль норматив укъукъий актларгъа бинаен, янында
иш ширкетининъ хадими олгъаны акъта шеадетнамени ташып, биринджи талап узере
косьтермек борджлудыр.
ГУП РК «Крымэнерго» хадимининъ иш шеадетнамеси, иш хадимининъ
шахысыны (Ады, сойады, баба ады), онынъ ширкетке я да онынъ бир де бир болюгине
аит олгъаныны (меселя, РЭС я да РОЭ), вазифесини (меселя, контролёр)
тасдикълагъан весикъа сайыла. Мытлакъа шеадетнаменинъ насыл муддет ичинде
кечкенини бакъынъыз.
ГУП РК «Крымэнерго» контролёри янында:
- онынъ электрик телюкесизлиги боюнджа изин группасыны
тасдикълагъан, эмекни къорув шеадетнамеси;
- контролёр электрик сайгъычнынъ косьтергичлери кирсетильген
махсус кягъытчыкъ, - наряд язгъан, ГУП РК «Крымэнерго» техники тарафындан
тасдикълангъан екяне нумюне весикъасы;
- ширкетнинъ ребери тарафындан имзаланып, сокъакъ адлары ве
иш нокъталары бельгиленген маршрут кягъыты
олмакъ борджлу.
Шубе пейда олгъан вакъытта исе, ГУП РК «Крымэнерго»
контролёрининъ шахысыны тасдикъламакъ ичюн, РОЭ-нинъ электрик сайгъычларнынъ
косьтергичлерини къабул этме телефоны (о истималджынынъ энергия алув анълашмасында
берильмек керек) боюнджа, контролёрге вазифе таинлеп имзалагъан абонент
болюгине телефон ачмакъ мумкюн.
Бильмек керек: эгер де истималджы (потребитель) ГУП РК
«Крымэнерго» хадимини электрик сайгъычнынъ (счётчик) янына къоймаса, ёлламаса,
текрар бу эвге кельмек ичюн, ГУП РК «Крымэнерго» истималджыгъа сайгъычкъа рухсет
бергени акъта язма бильдирюв ёлламакъ зарур (ПП РФ 6.05.2011 сенесинден №354 талабы).
ГУП РК «Крымэнерго» истималджыларны ачыкъкозьлю ве мукъайт
олмагъа чагъыра!
Присоединяйтесь к ОК, чтобы подписаться на группу и комментировать публикации.
Нет комментариев