Предыдущая публикация
ԻՆՉՊԵՍ ՄԵՐԺԵՆՔ «ԵՍ»-Ը
Նախ մենք պետք է հասկանանք ինչ տեղի ունեցավ մեր վերածննդով: Առաջին, վերածնունդը դա Աստծու կյանքն է, որը Սուրբ Հոգու միջոցով մտնում է մեր մարդկային հոգու մեջ: Երկրորդ մեր մարդկային հոգին, որը մեռած էր Աստծու հանդեպ կենդանանում է և սկսում փնտրել Աստծուն և հոգևոր բաները (կարդալով Սուրբ գիրքը, աղոթել, փառաբանել և այլն): Երորրդ յուրաքանչյուր հավատացյալի մեջ, որը ընդունում է Հիսուսին իրեն որպես Տեր և հավատում Նրա հարությանը, այս երկրի վրա, նորից ծնվում է Հիսուս Քրիստոսը, նրա մարդկային հոգում: Սա վերածնունդի մի մասն է որ կբավականացնի խոսել մեր թեմայի շուրջ: Վերը նշվածից մենք հասկանում ենք որ Աստված բնակվում է մեր հոգում, որովհետև Աստված Հոգի է և մենք Նրան պետք է երկրպագենք մեր հոգով (Հվհ 4:24): Աստված գալով մեր մեջ (Եփս 4:6) ցանկանում է կառավարել մեզ և ուղորդել մեզ մեր հոգուց, և հենց այդ բանի համար էր ասում Տերը, որ ուրացեք ձեր «ես»-ը, որպեսզի Աստված կառավարի մեզ մեր նոր մարդու մեջ: Մեր «ես»-ը, դա մեր մտքերն է մեր կարծիքներն, մեր պատկերացումները, մեր գործելավոճը և այն ամենը ինչը առաջ է գալիս մեզանից: Այս բոլորը Տերը ցանկանում է որ խաչը հանենք: Մենք այստեղ ցույց կտանք խաչի մի փոքր փորձառություն և մեր «ես»-ի ուրացումից: Ենթադրենք, ես ուզում եմ խոսել իմ կնոջ հետ մի թեմայի շուրջ, և խոսելու ընթացքում հասկանում եմ, որ դա ամբողջությամբ բխում է իմ մտքերից այսինքն իմ «ես»-ից, և մերժելով իմ կարծիքները ու մտքերը կանգ առնելով սկսում եմ հարցնել Տիրոջը, որպեսզի տա ինձ օծություն տվյալ իրավիճակում հասկանալ Տիրոջ կարծիքը տվյալ թեմայի շուրջ, այդպիսով մերժելով իմ «ես»-ի կարծիքն ու միտքն,և գամելով տվյալ պահին իմ «ես»-ը խաչին, չթողնելով, որ իմ «ես»-ը, իր կարծիքները ու մտադրուները կենդանացնի: Բերենք մեկ այլ լուսաբանում, հավաքվել ենք սուրբերի հետ և զրուցում ենք մի թեմայի շուրջ, և այնտեղ սկսում է աշխատել մեր «ես»-ի կարծիքը տվյալ թեմայի շուրջ ,ցանկանլով հայտնել իր մեջ առաջացած այդ կարծիքը փորձում է արտահայտվել, և մենք այդ ժամանակ պետք է մեր մտքից շրջվել մեր հոգին հարցնելով Տեր Հիսուսին իմանալ Նրա կարծիքը,և հայտնել Նրա կարծիքը, այսպիսով մերժելով մեր «ես»-ը իր կարծիքներով և մտքերով հանդերձ: ԵՒ դա մեկ այլ փորձառություն է գամելով խաչին մեր հին մարդուն և մահվան մատնելով նրա կարծիքները: ԵՒ այդ փորձառություները ավելացնելով յուրաքանչյուր մեր օրվա շարժի, գործի, իրավիճակների, մեր երեխաների դաստիրակչության մեջ, մեր ընկերների ու բարեկամների հետ շփվելիս, մեր ավետարանելու մեջ, մեր աղոթքների մեջ, բոլոր ժամանակներում մենք պետք է սովորենք մեր «ես»-ը ուրանալ ու խաչին գամել նրանից եկած բոլոր բաները, թե լավ բաները, և՛ թե վատ բաները, թե մեր՛ բարի բաները, և թե մեր չար բաները,թե՛ մեր ճիշտ լինելը, թե՛ սխալները: Մենք պետք է սովորենք ամեն պարագայում մերժել, մեր հին մարդու առաջարկների բոլոր բաները: Անգամ Տեր Հիսուս Քրիստոսը ապրելով երկրի վրա, Նա միշտ մերժում էր Իրեն: Նա մեզ ասաց, որ երբեք ոչինչ չի արել Իրենով, այլ ամեն ինչ անում էր Հոր միջոցով (Հվհ 6:57, 5:19, 4:34, 17:4, 14:10,24, 5:30, 7:18): Եկեք մենք էլ ամեն ինչ անենք Տեր Հիսուսով, որպեսզի աճենք նոր մարդու մեջ, թույլ տալով, որ Տեր Հիսուսը կառավարի մեզ մեր հոգուց: Այդ բանի համար է Պողոս առաքյալը ասում. «հոգով քայլեցեք, որ հոգով սպանեք մարմնի ցանկություները»: ԵՒ մեկ այլ տեղ հստակ ցույց է տալիս թե ինչպես են ապրում դա ասելով. «Որովհետև մարմնավոր միտքը մահ է, իսկ հոգևոր միտքը՝ կյանք և խաղաություն»(Հռմ 8:6):
Հնարավոր է, դուք սկզբնական շրջանում չկարողանաք հասկանալ Տիրոջ ուղորդությունը, բայց լռեցնելով ձեր «ես»-ի ձայնը և վարժելով այս փորձառությունը, դուք կամաց կամաց կսկսեք լսել Տիրոջ ձայնը և Նրա ուղղորդությունը: Մեր Տերը կեդանի Աստված է, և Նա բնակվում է մեր մեջ, և բերան ստեղծողը Ինքն էլ կարող է խոսել, ուղակի մենք չտալով Նրան հնարավորություն, արգելել ենք Նրան մեր հոգուց գալ մեր միտք, խոսելով ու արտահայտելով Իրեն: Այդ բանի համար Պողոս առաքյալը հորդորում է ասելով.«նորոգվեցեք ձեր մտքի հոգով»(Եփս 4:24): Սիրելի քույրեր և եղբայրներ ժամանակն է որ մենք դեմ կանգնենք թշնամուն, որը խառնված է մեր «ես»-ին (Մտթ 16:23-25) և պատերազմենք մեր «ես»-ի դեմ, կանգնելով և սպասելով ամեն պարագայում ունենալ Տեր Հիսուսի առաջնորդությունը, քանի որ միայն Նա է հաղթել աշխարհին և Նա այսօր էլ մեր բոլորի միջոցով ուզում է պարտության մատնել հակառակորդին մեր միջից, եկեք մեր ամբողջ աղոթքները սևեռենք Տիրոջ վրա միայն ու միայն և այն էլ անդադար աղոթքներով կառչենք Գլխից Մեր Տեր Հիսուս Քրիստոսից: Փառքերին արժանի է Նա, այլ ոչ թե մեր «ես»-ը որը սիրում է ամենուր իրեն իցույց դնել...այս թեմաները վերցված են եղբայր Վիթնես Լի-ի գրքերից և ինչքանով ստացվեց ինձ պատմելով գրի առնել որոշ հատվածներ այդ գրքերից, այդքանն էին:
Եթե ուզում եք ավելի խորը կերպով ուսումնասիրել այդ գրքերը, «ես»-ի ուրացումն ու ոչնչացումն, ինչպես կրել խաչը, ապրել հարությալ կյանքով և հասկանալ Տիրոջ խոսելն մեր ներսում: Դուք կարող եք ձեռք բերել այդ գրքերը: Ցանկության դեպքում զանգահարեք 098185664
Следующая публикация
Нет комментариев