Предыдущая публикация
Դու աշխարհից մի' խռովի , իմ տղա,
Միշտ եղել է , մեկը ճորտ է, մյուսն՝ աղա,
Դու մի նայիր , որ ուրիշին հեշտ է տրվում,
Դու քո գործում, թե՛ տանջվում ես, թե՛ մրվում,
Մի՛ մտածիր, որ էս կյանքում քո տեղն է դա,
Կյանքը միշտ էլ մեզ գրկում է , դու հավատա՜:
Թե կարծում ես, ինչ որ պահի քեզ զրկել է,
Գուցե ինչ որ բանից քեզ փրկել է...
Թե կարծում ես, որ քո հանդեպ խիստ դաժան է,
Որ ունեցողն անարժան է,
Որ հարուստը ապրում է հեշտ,
Որ ուզածին հասնում է միշտ։
Դու ի՞նչ գիտես , ի՞նչն է գինը ունեցածի։
Թե աղքատը միշտ կարոտ է կտոր հացի՝
Գոնե գիտի դրա գինը:
Գոնե գիտի` ինչն անգին է,
Գիտի՛ սերը չվաճառել,
Գիտի՛ կռվել, հակաճառել,
Գիտի՛ Աստծուն դիմել լացով՝
Բավարարվել ունեցածով։
Գիտի՛ կյանքում ինչն է արդար,
Գիտի՛ ապրելն ինչքան բարդ է,
Գիտի վաստակել քրտինքով,
Աղոթել միշտ երախտիքով։
Դու մի՛ ձգտիր հասնել շատին,
Տուրք տալ չարին, ձգտել վատին,
Հեշտ փողը միշտ հեշտ ես վատնում,
Նույն տաշտակին է քեզ մատնում
Կյանքը արդար։
Մի՛ տրտնջա, հիշիր՛ բալես,
Դու պիտի միշտ և՛ պայքարես,
ԵՎ՛ ազնիվ ու արդար լինես,
Քո ձեռքերով քո'նը շինես,։
Կյանքն ամենքին էլ տալիս է,
Ով ալարեց՝ միշտ լալիս է,
Ով չաշխատեց՝ կբողոքի,
Թե կյանքը խիստ անողոք է։
Դու քո հացը արդար ձևով թե վաստակես,
Ճակատդ բաց, չէ՞ որ ախր պարզ ,հստակ ես։
Թե կյանքումդ նախանձեցիր,
Իմացի՛ր ,արդեն պարտվեցիր։
Կյանքը խաղ է , մենք բոլորս էլ խաղում ենք,
Մեկին շոյում, մյուսին խոսքով բիրտ դաղում ենք,
Նախանձում ենք, տրտնջում ենք, կռվում հաճախ,
Ու վերջ չկա դրան ավա~ղ ...
Հիշի՛ր բալես, քո ուղին միշտ դու ես փնտրում,
Ինչ կորցրեցիր՝ դա ես գտնում։
#Արև
#հեղ
Следующая публикация
դուք կհայտնվեք խելահեղության օվկիանոսում։ Բարի գալուստ մեր խումբ։
Комментарии 5