Предыдущая публикация
Россия ва АҚШ ўртасидаги музокаралар қандай ўтди — Юрий Ушаков жавоби
Россия ва АҚШ делегациялари ўртасидаги музокаралар ёмон ўтмади, деди Россия президенти ёрдамчиси Юрий Ушаков.
"Икки давлат делегациялари ўртасида тиғиз иш олиб бориш керак. Биз бунга тайёрмиз, бироқ аниқ давр, етакчилар учрашувининг аниқ саналари ҳақида гапиришга ҳали эрта", — дейди Ушаков.
Москва ва Вашингтон икки давлат етакчилари Владимир Путин ва Дональд Трампнинг учрашуви учун шароит яратиш устида иш олиб боради, дея аниқлик киритди у.
Унинг сўзларига кўра, Россия ва Америка Қўшма Штатлари вакиллари Украинага нисбатан фундаментал ёндашувларини баён қилишди.
Шунингдек, Россия ва АҚШ бир-бирининг манфаатларини ҳисобга олишга келишиб олган.
АҚШ билан Украина бўйича музокаралар қачон бошланишини Владимир Путин ўзи ҳал қилади, дея қайд этди Ушаков.
Хориж ОАВга кўра, АҚШ делегацияси таркибида давлат котиби Марко Рубио ва Россия ТИВ раҳбари Сергей Лавров Украинадаги келишувдан кейин пайдо бўлиши мумкин бўлган иқтисодий имкониятлар бўйича ҳамкорлик қилишга келишиб олди. Умумий геосиёсий манфаатларга доир масалаларда ҳамкорлик қилишга ҳам келишиб олишган.
Следующая публикация
Нет комментариев