Предыдущая публикация
Ғолиби шоҳҷоизаи "Ҷоми пойтахт-2019" муаяйн шуд
Дар Наврӯзгоҳи пойтахти кишвар имрӯз чемпионати Ҷумҳурии Тоҷикистон оид ба гӯштини миллӣ барои дарёфти "Ҷоми пойтахт - 2019" бо иштироки беш аз 8 ҳазор нафар ҳаводорону мухлисони ин навъи варзиш ва бо намоиши беҳтарин рақобатҳо миёни варзишгарони маъруфи кишвар ҷамъбаст гардид. Чемпионат аз 23 то 24 марти соли ҷорӣ идома ёфта, дар он 180 нафар варзишгари маъруфи кишвар дар он иштирок намуданд. Дар ин чемпионат барои ғолиби вазни мутлақ шоҳҷоиза - автомашинаи сабукрави мерседес бенс аз ҷониби мақомоти иҷроияи ҳокимияти давлатии шаҳри Душанбе таъсис ёфта буд. Дар натиҷаи рақобатҳо имрӯз беҳтаринҳо муайян гардиданд ва соҳиби мақоми ифтихорӣ ва шоҳҷоиза гардиданд. Ҳамин тариқ шоҳҷоиза насиби Саидов Саидҷалол гардида, шоҳҷоизаро ба даст оварда, Насимов Фирдавс ҷойи дуюмро ишғол намуданд. Ҷойи сеюмро дар вазни мутлақ Назриев Шарифҷон соҳиб гардид. Шоҳҷоизаро ба Саидҷалол Саидов муовини раиси шаҳри Душанбе Ҷуразода Фаррух тақдим намуданд.
Следующая публикация
Нет комментариев