Предыдущая публикация
Вяртаемся да вашай любімай рубрыкі — традыцыйныя строі беларускага касцюму 🙌🏻
Дзелімся апісаннем Дзісенскага строю!
Дзісенскі строй у беларускім нацыянальным касцюме адрозніваецца малаколернасцю, у ім больш было сіняга і зялёнага колераў. На малюнку — святочны ўбор, таму ён не адпавядае гэтаму апісанню.
▫️ У склад комплексу ўваходзіць рубаха, спадніца, фартук, пояс, хустка.
Прыбраная спадніца «панёва» з палосамі ўзорнага ткання. Аздабленні размяшчаліся гарызантальнымі палосамі, закрываючы амаль што ўсю тканіну спадніцы — «панёвы». Асаблівая ўвага пры ўпрыгожванні надавалася месцу злучэння полак панёвы. Вертыкальныя швы ўпрыгожвалі вышыўкай гладдзю каляровым гарусам. Асабліва багата прыбіраліся панёвы маладых жанчын.
На малюнку знаходзіцца маладая незамужняя дзяўчына 👰🏻♀️ Гэта можна вызначыць па многіх прыкметах: на галаве ў яе вянок на каркасе, абтянуты прыгожай тканінай, а ззаду да вянка прышыты рознакаляровыя стужкі 🎀
У штодзённым адзенні не было каўняра, значыць, дзяўчына сабралася на свята, тым больш што ў яе руцэ пакуль што не падораныя кветкі 💐 Дзяўчына ў прыбранай накідцы, з пацеркамі і вышыўкай на ўсіх дэталях: прыталеная безрукаўка з кветкавым арнаментам, а рубашка і фартух з крыжападобным, характэрным для паўночнага захаду Беларусі, ўзорам.
Ілюстрацыя з кнігі «Беларускія народныя строі», Міхась Раманюк.
Следующая публикация
Нет комментариев