Предыдущая публикация
Працягваем нашу рубрыку пра беларускую міфалогію.
І на чарзе ў нас пост пра зімовых багоў і істот. Ці ведаеце вы, хто такі Зюзя? ❄️
Мы ўжо распавядалі пра гэтага персанажа ў адным з нашых матэрыялаў. У гэтым пагаворым пра яго памочніка — Мароза (Дзед Мароз, Ледзяны Дзед). Гэта стары чалавек з сінім або чырвоным носам. Ён увесь белы, бо адзеты ў снег, лёд і іней, толькі губы ў яго чырвоныя. Замест вусоў і барады ледзяшкі амаль што да зямлі. Іней — гэта пыл, што сыплецца ад Мароза.
☀️ Мароз любіць змагацца з сонцам, але не можа яго перамагчы. Сонца любіць пажартаваць з Марозам, а ён злуецца і кліча вецер.
Зюзя пасылае Мароза на дапамогу людзям: наслаць масты праз рэкі, азёры, балоты, прынесці свежае паветра 🌬 Мароз мацнее — лёд таўсцее. Але і тоўсты лёд стогне, калі ён ідзе па ім. Гэта чуюць усе, хто жыве бліжэй да ракі, возера або ставу, на золку або калі ўзыходзіць сонца.
Трэск і стук у хаце ўзімку прыпісваюць Марозу, які мае звычку прысесці адпачыць на сялянскі дом. Каб задобрыць Дзеда Мароза, на Каляды беларусы запрашаюць яго ў хату паесці куццю. Гаспадар адчыняе акно і, высунуўшыся з яго, кліча: «Мароз! Мароз! Ідзі куццю есці. Летам не бывай, па межах не хадзі, яравыя не губі».
Летам Мароз хаваецца пад калодай. Калі ж ён з’яўляецца позна вясной або рана восенню, а тым больш летам, значыць, яго паслалі злыя духі 👿
Цікава, што Зюзя і Мароз — розныя персанажы беларускай міфалогіі! Зналі пра гэта?
Крыніца: «Ярила, Девоя и Перелет-трава. Древняя мифология беларусов», Алесь и Юлия Шамак. Беларуская электронная бібліятэка «Беларуская палічка».
Следующая публикация
Комментарии 13
Когда я рассказывала своим друзьям, что кроме усадьбы Деда Мороза в Пуще, есть ещё усадьба Зюзи в Витебской области, они очень удивлялись, а потом тоже вспоминали, что в детстве их не пускали гулять в морозный день, пугая Зюзей.