Предыдущая публикация
2 жніўня адзначаецца традыцыйнае праваслаўнае народнае свята Ілля (Ільін дзень).
⛪️ Ілля — царкоўны дзень памяці прарока Іллі. У славян ён належыць да самых шанаваных святых, нараўне з Мікалаем Цудатворцам.
Лічыцца, што Ілля тварыў цуды і жывым узнёсся на неба. У міфалогіі, старажытных вераваннях і ў фальклоры беларусаў Ілля — распарадчык дажджоў і навальніц, заступнік земляробства, абаронца ад нячыстай сілы, але раззлаваны можа наслаць навальніцы, град і засуху.
🗓️ Адзначаць гэтае свята пачыналі яшчэ з яго пярэдадня — асаблівае значэнне надавалася чацвяргу і пятніцы на тыдні перад Ільіным днём, калі ў некаторых мясцовасцях пяклі абрадавае печыва і пераставалі займацца палявымі працамі.
Акрамя таго, напярэдадні Ілліна дня рабілі разнастайныя меры засцярогі, каб абараніць свой дом, гаспадарку і пасевы ад залевы, граду ці маланкі.
У Ільін дзень была катэгарычна забаронена любая праца, бо лічылася, што яна не прынясе ніякага выніку і можа разгневаць Іллю-прарока, які жорстка караў за непачцівае стаўленне да свайго свята ⚡️
🤲🏻 Адной з найбольш прыкметных падзей дня была братчына, або «маленне» — калектыўная трапеза, якая аб'ядноўвала жыхароў суседніх сёлаў і звязаная з ахвярным закланнем жывёлы «Іллю». Асноўнымі арганізатарамі і ўдзельнікамі братчыны выступалі мужчыны. Сканчаліся падобныя братчыны гуляннямі моладзі: гульнямі, карагодамі, песнямі і скокамі.
Ільін дзень лічыўся каляндарнай мяжой лета, калі ў прыродзе з'яўляліся першыя прыкметы восені і змена ў паводзінах звяроў і птушак. Некалькі народных прымавак і прымет мы пакінулі ў каруселі да паста. Гартайце і дапаўняйце нас у каментарыях! 💬
Следующая публикация
Комментарии 2