MINI жамоаси “Дакар-2016”нинг махсус участкасида ғалаба қозонди.

Автомобиллар тоифасида биринчиликни Носри ал-Аттия қўлга киритди: у 534 км ли 8-босқични 4 соат 12 дақиқа 33 секундда босиб ўтди.
Иккинчи ва учинчи ўринларни Карлос Сайнс ва Стефан Петранселлар эгаллашди (Peugeot). Улар етакчидан 12 ва 31 секундга ортда қолишди. Уларнинг жамоадоши Себастьен Леб кун бошида қумларда қолиб кетди ва у ерда бир неча дақиқа йўқотгани боис 18-бўлиб маррага етиб келди, проиграв больше часа. Техниклар унинг машинасини тиклай оладими, йўқми, ҳозирча номаълум.
Юк машиналари тоифасида босқични Жерар де Рой ютиб чиқди: у масофани 4 соат 42 дақиқада босиб ўтди. Ундан кейинги ўринларни россиялик Эдуард Николаев ва Андрей Каргиновлар эгаллади (“КАМАЗ-Мастер”). Бешликка Ярослав Вальтр (Tatra) ва Дмитрий Сотников (“КАМАЗ”) якун ясашди.
Мотоциклчилар ичида энг яхши натижани Тоби Прайс қайд қилди. Унга маррани босиб ўтишга 4.5 соат талаб қилинди. Иккинчи ўрин эгаси Пауло Гонкальвес (Honda) ундан беш дақиқага ортда қолди. Тўртинчи позицияни чилилик Пабло Куинтанилла (Husqvarna) эгаллади: иккинчи ўриндан у 6 дақиқа 32 секундга ортда қолди.
Квадроцикллар тоифасида биринчилик ака-ука Маркос ва Алехандро Патронеллиларга насиб қилди; улар умумий классификацияда ҳам биринчи ўринда кетмоқда. Учинчи позиция перулик Алексис Эрнандесга, бешинчи ўрин россиялик Сергей Карякинга насиб қилди.
“Дакар”нинг тўққизинчи босқичи Аргентинанинг Белен шаҳри атрофида ўтади. Махсус участка узунлиги 285 км ни ташкил қилади.