Предыдущая публикация
Яҙыр инем яҙмыштарҙы
Римма Баймырҙина
Мөмкин булһа әгәр яҙмыштарҙы
Яҙыр инем бер төн ултырып.
Ярым - ярты итеп, киҫәктәргә
Бүлгеләмәй бөтөн, тултырып.
Яҙыр инем үҙем яҙмыштарҙы
Етештереп һүҙен теүәлләп.
Һөйөү тулы бәхет, шатлыҡ өҫтәп
Әкрен генә үҙем әүәләп.
Һалмаҫ инем һағыш яраларын
Теткеләнеп бөткән күңелгә.
Эләр инем яҡты, нурлы ҡояш
Болот ҡаплап үткән күгемә.
Үтәр өсөн парлы - парлы ғүмер
Һалыр инем тормош күперен.
Килбәтһеҙ ҙә яйһыҙ урындарын
Һыҙып ташлар инем күп ерен.
Өҙөлмәһен йәшәү дәүерендә
Ғүмерҙәре оло - кесенең.
Яҙыр инем оҙон - оҙаҡ ғүмер
Йәнгә яҡын һәр бер кешегә
Тик хоҡуҡ юҡ, минең ишегә.
Следующая публикация
Комментарии 4