Предыдущая публикация
Көҙҙәремдә яҙым аҙашҡан
Ҡояш йылыһы ла һүрән генә,
Шыйыҡ болот баҫҡан күк йөҙөн.
Ҡыш еткәндер тиһәм, тамсыларым,
Ҡыйығынан тама таш өйҙөң.
Юл буйында, ана, ҡар һыуынан,
Кескәй күләүектәр йыйылған.
Әллә инде көҙҙөң һуңғы айы,
Ерҙе уятырға йыйынған?
Әллә юрый ғына бәхәсләшеп,
Көҙ менән ҡыш юлда талашҡан?
Әллә бөгөн килеп яңылыштан,
Көҙҙәремдә яҙым аҙашҡан?
М. Мәғәсүмов.
Следующая публикация
Комментарии 1