Предыдущая публикация
Уйку соонун ортосунда өмүрүм,
Түшүнө албай келем чынын төгүнүн.
Океандын түбүн алган мекендеп,
Титаникке окшоп турат көңүлүм
Бүркөөсү көп, ачыгынан күндөрүн,
Арбып саны уйкусу жок түндөрдүн.
Атаганат жаздым экен эмнеден.
Каргышына калдым экен кимдердин.
Деген ойлор тытмалашып сезимди,
Кутула албай курган жүрөк эзилди.
Куу турмуштун жыргалынан азабы,
Тирүүлүктө бүтпөйт окшойт сезилди.
Кайрат кылып, кайра жанды камчылап,
Турса дагы жүрөктөн кан тамчылап.
Келем сүйрөп арабамды таштабай,
Ара жолдо калып калбай алсырап.
29.07.2024. ТТ. г Казань
Следующая публикация
Нет комментариев