Соҳталик - суякнинг ичидаги эт,
Ўттиз учинчиси тишларимизнинг.
Биринчи ва ёки сўнги нуқтаси,
Борики амалу, ишларимизнинг!
Соҳталик - аёлга улама сочлар,
Шохида пишмаган мевалар ранги.
Қорни тўйиб кетган нигоҳи очлар,
Ва сопол идишнинг бўғиқ жаранги!
Соҳталик - боланинг елим сўрғичи,
Ва тамға босилган бир ҳил билаклар.
Қоғоз қутидаги оналар сути.
Пўкакдан ясалган соҳта юраклар!
Соҳталик - пул билан ўлчанар қадир,
Матолар ипаксиз, парсиз болишлар.
Бешиклар елимдан, тобутлар елим.
Соҳта овозлару, соҳта нолишлар!
Соҳталик - авжига чиқмаган қўшиқ,
Телефондан алла эшитган гўдак.
Кунда янги ўлжа аҳтарар ошиқ,
Севги изҳорлари энг ширин хўрак!
Фоҳиша аёлнинг кўзин ёши у,
Тилла узукларнинг ёқут тоши у.
Жононнинг бўёқдан ол бўлган яноқ,
Ювса кетадиган қалам қоши у!
Соҳталик - омонат таъмирланган йўл,
Ва хўжакўрсинга қурилган уйлар,
Соҳта арзончилик, ҳамма наса мўл,
Бир умр қарз бўлиб қилинар тўйлар!
Соҳталик - ортингдан ғийбат қилган дўст,
Соҳталик - чин дилдан берилган пора.
Ўз фойдасин кўзлаб қилинган эҳсон,
Савоблар солинган тешик тоғора!
Шеъримдан сохталик излар неча "дўст"!
Соҳта кўз ёш олиб тўтиёсига.
Фақат бир кун келиб кетишимиз рост,
Бу соҳта дунёдан чин дунёсига.
Малика Тавфиқ
Присоединяйтесь к ОК, чтобы подписаться на группу и комментировать публикации.
Нет комментариев