Предыдущая публикация
Oshiqligim senga ayon ko'pdan beri,
Qalb talpinar senga tomon ko'pdab beri,
Duch kelganda bir qayrlib boqsang netar,
Ko'rmaysanmi holim yomon ko'pdan beri.
Sen nur bo'lsang, ishqingda men parvonaman,
Laylo bo'lsang Majnunmisol devonaman.
Undan ko'proq el og'zida afsonaman,
Chekkanlarim ohu fig'on ko'pdan beri.
Oshiqlaring yo'qdir soni sanog'i ham,
Ular ichra bor men kabi no'nog'i ham,
Ko'pdir ammo ayyorlari, makkorlari,
Shuni o'ylab rangim somon ko'pdan beri.
Oshiqlardan meni tanlab olsang edi,
Tanlab meni, ishq torini chalsang edi,
Yo'llarimda Yo'ldosh bo'lib qolsang edi,
Shu mendagi shirin armon ko'pdan beri.
Следующая публикация
Нет комментариев