Предыдущая публикация
Чарговая сустрэча ў Арт-лекторыі “Роднага слова” была прысвечана выявам класікаў беларускай літаратуры, што захоўваюцца ў Нацыянальным мастацкім музеі.
На прыкладзе жывапісных твораў з музейнай калекцыі вядучы навуковы супрацоўнік аддзела навукова-асветніцкай работы і маркетынгу, сталы аўтар “Роднага слова” Настасся Трафімчык расказала, як у розныя часы мастакі трактавалі вобразы вядомых майстроў слова. Найперш гаворка ішла пра герояў часопісных нумароў-альманахаў 2022 г. Янку Купалу і Якуба Коласа, а таксама Васіля Быкава, стагоддзю якога быў прымеркаваны сёлетні майскі нумар “Роднага слова”. Невыпадкова лекцыя адбылася менавіта ў той зале музея, дзе экспануецца партрэт празаіка ў поўны рост аўтарства Леаніда Дударэнкі.
Сярод слухачоў лекцыі была і пераможца розыгрышу нашага тэматычнага нумара, прысвечанага юбілею філалагічнага факультэта БДУ. Чаканы прыз Наталля Мікалаеўна, настаўніца беларускай мовы і літаратуры мінскай 43-й школы, атрымала ад галоўнага рэдактара часопіса, таксама Наталлі Мікалаеўны))
Следующая публикация
Нет комментариев