Предыдущая публикация
Галоўны рэдактар навуковага і метадычнага часопіса “Роднае слова” Наталля Шапран узяла ўдзел у круглым стале “Трэнд на роднае: дасягненні навукоўцаў і пашырэнне сферы выкарыстання беларускай мовы”, які адбыўся ў Прэс-цэнтры Дома прэсы.
Традыцыйна прэс-сустрэчы з падобнай тэматыкай ладзяцца напярэдадні Міжнароднага дня роднай мовы, аднак на гэты раз спікеры абмеркавалі актуальныя даследаванні беларускай мовы і падзяліліся вопытам яе пашырэння з нагоды 95-годдзя Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі. Падчас юбілейных мерапрыемстваў, што адбудуцца на гэтым тыдні, пройдзе і ўзнагароджанне пераможцаў конкурсу навукова-даследчых работ “Вы паслухайце родную мову: жаўруковаю песняй звініць…”, які рэдакцыя праводзіла сумесна з інстытутам.
Наталля Шапран сярод іншага адзначыла, што дзейнасць часопіса невыпадкова згадвалася ў паведамленнях удзельнікаў круглага стала. Гэта пацвярджае плённасць канцэпцыі “Роднага слова”, скіраванай на пашырэнне актуальных даследаванняў айчыннага мова- і літаратуразнаўства, а таксама прафесійнага камунікавання навукоўцаў і педагогаў. Спасылку на відэазапіс круглага стала можна знайсці на сайце часопіса.
Следующая публикация
Нет комментариев