Предыдущая публикация
Абдуллоҳ ибн Зубайр розияллоҳу анҳунинг Мадинада боғлари бор эди.
Боғнинг ёнбошида эса, ўша вақтда Дамашқ шаҳрида халифа бўлиб турган, Муъовия ибн абу Суфён розияллоҳу анҳунинг ҳам боғлари бор эди.
Кунларнинг бирида, Муовия розияллоҳу анҳунинг боғидаги хизматкорлари Абдуллоҳ бин Зубайр розияллоҳу анҳунинг боғига киришди, бу ҳолат эса бир неча кун такрорланди. Бу ҳолатдан дарғазаб бўлган Абдуллоҳ бин Зубайр розияллоҳу анҳу Дамашқ шаҳридаги халифа, Муовия розияллоҳу анҳуга хитобан ҳат ёздилар,
"ана шу вақтда, икки буюк саҳобий ораларида келишмовчилик бор эди",
Абдуллоҳ бин Зубайр дан "жигархўр Ҳинднинг боласи" Муовияга" Сенинг ишчиларинг, боғимга киришмоқда, ишчиларингга айтиб қўй, боғимдан оёқларини изини ўчирсин, акс ҳолда, "ундан ўзга Илоҳ йўқ бўлган Зотга қасамки" сенга бошқа чора кўраман! "
Хат инсонларнинг энг юмшоқфеъл кимсаси Муовия розияллоҳу анҳуга етиб келди, хатни ўқиб кўрди... Сўнгра ўғли Язидга айтдиларки: "Абдуллоҳ ибн Зубайр, менга таҳдид қилиб хат юборибди, сен қандай фикрдасан?"
Ўғли Язид айтдики: "Аввали Абдуллоҳнинг, охири эса сизнинг ҳузурингизгача келадиган қўшинни юборингки, сизга унинг бошини олиб келишсин" .
Муовия розияллоҳу анҳу айтдиларки : "Балки ундан кўра яхшироқ ва меҳрибонроғини қиламан".
Муовия розияллоҳу анҳу Абдуллоҳ бин Зубайр розияллоҳу анҳуга мактуб йўллаб, шундай дедилар: " Абу Суфённинг ўғли Муовиядан Абдуллоҳ бин Зубайр (икки белбоғ эгаси Асмонинг) ўғлига: Аллоҳга қасамки, агарда дунё мен ва сизнинг орамизда бўлганда эди, уни албатта сизга топширган бўлар эдим, агарда менинг боғим Мадинадан Дамашқгача бўлса эди сизга берган бўлардим. Мактубим қўлингизга етса боғимни ва ундаги ишчиларини ўзингизнинг боғингиз ва ишчиларингизга қўшиб олинг, албатта Аллоҳнинг, кенглиги осмонлару ерча келадиган жаннати бордир!"
Абдуллоҳ бин Зубайр розияллоҳу анҳу мактубни ўқигач, кўзларидан ёш оқиб, то соқоллари хўл бўлгунча йиғладилар ва Дамашққа Муовия розияллоҳу анҳунинг ҳузурига бориб, бошини ўпиб, айтдилар: "Сизни Қурайш ичида мана бундай мартабага кўтарган ҳалимлигингизни, Аллоҳ кетказмасин."
Следующая публикация
Комментарии 2