#ЯШАЙ_ОЛСАК_БЕГОНАЛАРДЕК...

Осон эмас ёнингда туриб,
Сендан бир бор сўрамаслик ҳол.
Ундан оғир, сукутларимга,
Сукутларни қилганинг изҳор.
Шунча арзонмиди, ёр, қадрим,
Хайр дединг, кулиб бемалол.
Ердан ўсиб осмонга етиб,
Рўпарамда пайдо бўлди ор.
Ширингина сўзлашиш, майли,
Урушмайман энди сен билан.
Ўзинг айтган ўша жойларда,
Кўришмайман энди сен билан.
Меҳринг билан тирик меҳримнинг,
Заволига қараб турибман.
Мен кўнглимнинг айбим не деган,
Саволига яраб турибман.
Тилларимда куйди, ёр, исминг
Сувлар оқди кўзимдан иссиқ.
Менга ҳозир кимлигим эмас,
Сенга олдин кимлигим қизиқ.
Яхши борай сен хам яхши қол,
Сўзлашмайлик девоналардек,
Қайтиб ишонмайман меҳрга,
Яшай олсак бегоналардек. https://t.me/joinchat/AAAAAEVXDT3xNJhIHYIq8Q @Risligoy_Hotamova_ijodi