#Келмайди_ёр

Очилса гул очилгандир узиб нима қиламан,
Қирмиз гуллар гулдастасин тузиб нима қиламан.
Гул саралаб берай десам оладиган йўқ ахир,
Алам мени қилма эрмак келмайди ёр биламан.
Мана ўша биз айрилган сўлим боғнинг этаги,
Мен саҳарда шу ердаман, шу ердаман кечаси.
Ёрни эслаб юрак ёмон санчиб санчиб кетади,
Энди оҳим кимга керак, келмайди ёр биламан.
Мен шу боғда гул сочардим гўзал қизнинг йўлига,
Термулардим кўзларига, термулардим юзига.
Энди кайда у дийдорлар анча бўлди тўйига,
Севги энди эски эртак келмайди ёр биламан.
Тушларимда кулгучига кулгу бўлиб ботаман,
Паризодим бўйларини соясида ётаман.
У айтади қайта қайта факат сени севаман,
Шу туш билан ўтсам керак, келмайди ёр биламан. https://t.me/joinchat/AAAAAEVXDT3xNJhIHYIq8Q @Risligoy_Hotamova_ijodi