Предыдущая публикация
Իսպանիայի առաջնության 24-րդ տուրում «Ռեալը» հյուրընկալվել էր «Բետիսին»։
Հանդիպումը սկսվեց «Ռեալի» ճնշումով, ինչն էլ արդեն 11-րդ րոպեին տվեց իր արդյունքը։ Ռոնալդուի հարվածից հետո Անտոնիո Ադանը հետ մղեց գնդակն ու վրա հասած Մարկո Ասենսիոն գլխի հարվածով բացեց հանդիպման հաշիվը։
«Բետիսը», սակայն, չէր պատրաստվում հեշտ հանձնվել։ Դաշտի տերերը սկսեցին ճնշում գործադրել, ու 33-րդ րոպեին Մանդին կարողացավ վերականգնել հաշվի հավասարակշռությունը։ Ավելին, 4 րոպե անց «Բետիսն» առաջ անցավ հաշվի մեջ։ Հակագրոհներից մեկի արդյունքում Նաչոն գնդակն ուղարկեց սեփական դարպասը։
Երկրորդ խաղակեսում «Ռեալը» դաշտ դուրս եկավ այլ տրամադրվածությամբ ու արագորեն անցավ կորցրածը հետ բերելու գործին։ Նախ անկյունայինի խաղարկումից հետո Սերխիո Ռամոսը կարողացավ հավասարեցնել խաղի հաշիվը 50-րդ րոպեին։
59-րդ րոպեին Դանի Կարվախալի փայլուն անցումից հետո Մարկո Ասենսիոն դուբլ ձևակերպեց՝ առաջ մղելով «Ռեալին»։ Ընդամենը 6 րոպե անց իր գոլը խփեց նաև Կրիշտիանու Ռոնալդուն։
«Բետիսին» հաջողվեց խաղի վերջնամասում՝ 85-րդ րոպեին, Սերխի Լեոնի գոլի շնորհիվ կրճատել հաշվի տարբերությունը, բայց դա առավելագույնն էր, ինչ անդալուսյան ակումբը կարողացավ անել այս մրցավեճում։
Ավելին, նույնիսկ չեք հավատա, բայց խաղավերջում փոխարինման դուրս եկավ Կարիմ Բենզեման ու մրցավարի կողմից ավելացված ժամանակի երկրորդ րոպեին ԴԱՐՁԱՎ ԳՈԼԻ ՀԵՂԻՆԱԿ։
«Ռեալը» արտագնա գոլառատ խաղում երեք միավոր է վաստակում։
«Բետիս» 3-5 «Ռեալ Մադրիդ»
Գոլերը՝ 0-1 Ասենսիո (11), 1-1 Մանդի (33), 2-1 Նաչո (ԻԳ, 37), 2-2 Ռամոս (50), 2-3 Ասենսիո (59), 2-4 Ռոնալդու (65), 3-4 Լեոն (85), 3-5 Բենզեմա (90+2)
Следующая публикация
Нет комментариев