Предыдущая публикация
ԴԻ ՄԱՐԻԱՆ՝ ՆԵՅՄԱՐԻ ՓՈԽԱՐԵ՞Ն
Ունայի Էմերին կարող է հնարավորինս լավատես լինել ու մինչև վերջին պահը հավատալ, որ Նեյմարը կխաղա «Ռեալի» դեմ պատասխան մրցավեճում, բայց ֆուտբոլիստի հայրն այսօր հայտարարել է, որ ոչ մի դեպքում ֆուտբոլիստը չի հասցնի ապաքինվել մինչև այդ հանդիպումը։Սա կստիպի Էմերիին այլընտրանք փնտրել այս իրավիճակում, ու բրազիլացուն փոխարինելու առաջին տարբերակը Անխել դի Մարիան է։2018 թվականի մեկնարկից ի վեր Դի Մարիան ՊՍԺ-ի լավագույն ֆուտբոլիստն է՝ խփելով 14 գոլ ու կատարելով 15 գոլային փոխանցում ընթացիկ մրցաշրջանում անցկացրած 30 հանդիպումներում։ Սա հիանալի ցուցանիշ է՝ հաշվի առնելով այն փաստը, որ Դի Մարիան մեկնարկային կազմի մշտական խաղացող չէ։Վերջին 12 խաղերում նա հեղինակել է 10 գոլ, այդ թվում մեկ հեթ-տրիկ «Սոշոյի» դեմ գավաթային խաղում։Դի Մարիան նաև շատ լավ գիտի, թե ինչ է նշանակում եվրոպական կարևոր խաղերի մասնակցելը, հատկապես՝ Լա լիգայի ուժեղագույն թիմերից մեկի դեմ, քանի որ նա մասնակցեց «Բարսելոնայի» դեմ նախորդ տարի Փարիզում կայացած հանդիպմանը, որը ավարտվեց ֆրանսիական ակումբի 4-0 հաշվով հաղթանակով, իսկ Դի Մարիան այդ մրցավեճում դարձավ դուբլի հեղինակ։Նույնիսկ մի փոքր զարմանալի է, որ Դի Մարիան «Սանտիագո Բեռնաբեուում» կայացած առաջին խաղում ոչ մի րոպե չանցկացրեց դաշտում, բայց հիմա նա անսպասելիորեն շանս է ստանում իր նախկին թիմի խաղին մասնակցելու և իր որակները ի ցույց դնելու համար։
Следующая публикация
Нет комментариев