Предыдущая публикация
Кышның башы.
Тыныч һава.
Күктән иләп,
Кар тузанын, җиргә ява,
Бик тә теләп.
Буш урамнан эзләр ачып,
Берәр эшле,
Үтеп киткән туры басып,
Сеңдерешле.
Урамнар тын, яше эштә,
Авыл тыныч,
Койрык сөйри, бер эт көчкә,
Мескен, йолкыш.
Карт корысы, үзен тукып.
Авыр атлый,
Уйларында дога укып
Хастахәнә юлын таптый.
Кышның башы..Карлар ява.
Киләсең хуш!
Шәхәрләрдә, тормыш ага.
Авыллар буш..
Рамзис Мишәр.
Следующая публикация
Нет комментариев