Предыдущая публикация
У справе за спробу падпалу дома кіраўніка Лібэральна-дэмакратычнай партыі Беларусі Алега Гайдукевіча ў СІЗА КДБ год і пяць месяцаў утрымліваюць сям’ю з чатырох чалавек, піша Вясна
У чэрвені 2021 году Гайдукевіч заявіў быццам яго дом хацелі падпаліць — кінулі тры бутэлькі з запальнай сумесьсю. Пацярпеў толькі кот дэпутата. У сьнежні 2022 году ён расказаў, што ў справе праходзяць 15 чалавек.
Ад яго ж стала вядома, што экс-рэстаратара Вадзіма Пракоп’ева, якога ён назваў адным з заказчыкаў замаху, будуць судзіць завочна.
Сярод фігурантаў справы ў СІЗА КДБ ужо адзін год і пяць месяцаў знаходзіцца сям’я Вайцяховічаў: муж і жонка Віталь і Вольга, іх сын Уладзіслаў і ягоная жонка Анастасія. Іх абвінавачваюць па шэрагу цяжкіх артыкулаў Крымінальнага кодэксу, у тым ліку ў «акце тэрарызму групай асобаў».
Усіх чатырох ужо ўнесьлі ў «Сьпіс тэрарыстаў», пры тым, што суд не адбыўся, і яго дату дасюль не прызначылі.
Следующая публикация
Комментарии 11