***
Кең жәхәнди қойған тарылтып,
Қараңғы түнекти жарытып,
Адамларға мехир дарытып,
Жақтылықты баслар жақсылық.
Жаманлықтан жырақ еткизип,
Кеўиллерден ғубар кеткизип,
Инсанларды инақ еткизип,
Жақтылықты баслар жақсылық.
Қайқаймайсаң менменлик етип,
Зулымлыққа - денең селк етип,
“Хазар самал” еспей елп етип,
Жақтылықты баслар жақсылық.
Бир-бириңди жүрмең қағытып,
Пулға алалмайсаң бағынтып,
Үлестирсең мехир дағытып,
Жақтылықты баслар жақсылық.
Ширк әмелден тыйып турады,
Жаманлықты, жыйыстырады,
Қыйынды-әм қыйыстырады,
Жақтылықты баслар жақсылық.
Ғәплет уйқысынан турғызып,
Мириўбетке жүзди бурғызып,
Қайыр-сақаўатлы, қылғызып,
Жақтылықты баслар жақсылық.
Шақырады ийман-инсапқа
Қарамайды хәмел-мәнсапқа
Көп болмайды хәр күн қылсақта
Жақтылықты баслар жақсылық.
Акшолпан Аманияз 02.02.2019 жыл
#АкшолпанАманияз
Присоединяйтесь к ОК, чтобы подписаться на группу и комментировать публикации.
Нет комментариев