Кыргызстанда бир жумада 44 миңден ашуун КРВИ жана сасык тумоо учурлары аныкталган

Оорулардын алдын алуу жана мамлекеттик санитардык-эпидемиологиялык көзөмөл департаментинин сасык тумоо жана курч респиратордук вирустук инфекциялар боюнча мониторингинин негизинде үстүбүздөгү жылдын 50-жумасына (12.12-18.12.22-ж.) карата КРВИ жана сасык тумоонун 44106 учуру катталды, анын ичинде сасык тумоонун 142 учуру лабораториялык тастыкталган.
Аталган департаменттин сунуштамаларынын негизинде Саламаттыкты сактоо министрлиги жана Билим берүү жана илим министрлиги № 2742/1 буйрук менен бардык түрдөгү жана формадагы жалпы билим берүү мекемелерин 2022-жылдын 15-декабрынан 24-декабрына чейин онлайн окутууга өткөрдү.
Ден соолугунун мүмкүнчүлүгү чектелген жалпы билим берүүчү жатак-мектептер 16-нан 30-декабрга чейин онлайн окутууга өткөрүлгөн.
Сасык тумоонун, грипп сыяктуу оорулардын жана коронавирустун алдын алуу үчүн эрежелерди сактоо зарыл:
— бет кап тагынуу жана адамдар менен аралыкты сактоо;
— респиратордук гигиенаны сактоо — — жөтөлгөндө жана чүчкүргөндө оозду, мурунду бет аарчы менен жабуу жана кийин аларды туура жок кылуу;
— өзүн жаман сезген, дене табы көтөрүлгөн жана оорунун башка белгилери бар адамдарды өз убагында обочолоо;
— санитардык-гигиеналык чараларды сактоо (кол гигиенасы, бөлмөлөрдү убагы менен желдетүү, нымдуу тазалоо ж.б.);
— балада КРВИ белгилери пайда болсо – балаңызды сакайганга чейин мектепке же бала бакчага жибербеңиз жана жардам үчүн дарыгерге кайрылыңыз.
🇰🇬COVID-19: Республикалык штаб
#ВакциныРаботают
#ВакциныЗащищают
#ЭмдөөСактайт
#защити
#эмдөө
#вакцина2022
#бустер
#covid
#грипп
#иммунитет
#РКИБ
#ОРВИ