Предыдущая публикация
Шкаень котф
Шкайняй,конашкава валда менельсь,
Бта тоса сембе масторсь келемсь,
Бта сембе эряфть цильфоц тоса,
Сембось мала,конац кати-коса.
Коса, Шкайняй, няйса тоньге цильфцень,
Ловковолхнень вельде сембе тифцень,
Сенем тюсса келемсть оцю веттне,
Аф ашкордамс моря- туцяпетнень.
Шись, бта салют оцю иласта,
Тоза кучф минь эздонк казне тяста.
Прязе шары,няйезь оцю павазть,
Кядьсот кодаф менелень иляназть.
Кати-коста сявовсь пиземняце,
Ару веднясь шамазень путькязе,
Бта юксовсть аф няеви сотксне ,
Конань вельде полафтсь менель котфське.
Сургаева О.П.
Следующая публикация
Комментарии 14
Эсьтеенге пяк мелезон тя стихозе,
Тяфта менельть няенца анцек кельгома Атерь велесон,аф азови мезе седисон тя пинкть фкя пельде оцю кенердема, омбоце пяльде визьксоне сяськсамазь сельмоведень прамс, прязень маряфца виноватайкс сяс мес кадонца кельгома куднязень и тушендан седиезьти лембе вешема оцю кевонь ошти,
Бта юрхтаавась ерасамань кадомс скрось шачем велезон ,бта пильгоне синць вяцамазь нинге тов коса инда питни уженя ваймозти,
Арсян Шкабавазсь кази нинге пинге ерямс шачема уженясон,аф ламне нинге лездан идьнененьди.
Лажадомась панжезе тя кить стихонь сермадомать,эрь стихть бта серма сермадан шачема масторти кода тядянезьти,няфца кода келькса,азсайне вельдест кенерьдеманень,эряфозень.Во тяфта шачендыхть стихоне.