Предыдущая публикация
Атерь велезти
Келькте, Атерь! Келькте, шачем веле!
Лемозт менельсь макссь тейнь лямбе валхт.
Мархтот васьфтян, панжеви ки кели
Мяльненди. Синь конашкава валтт !
Лангозт ванозь эрь самстон дивандан,
Кода ладяй тондейть сирешись .
Кизонда тонь лангсот петьксу палясь,
Сексенда тингть пяшкотькшнесы кшись .
Лажаткшнян, прокс тядязти, тейть ошса,
Лятфнян эсот сидеста и монь
Сетьме эряфце, кодане ефксса,
Эсон терди эшксозт, малазт тонь.
Лажаткшнян пяк идень, одонь пингцти,
Паксявельняв - шачема ульцязти,
Малань эрьхкти, лихтибряти, ляйти,
Тундань, сексень шонгара рдазти.
Лажадонь сембоцти, Атерь веле.
Лажадонь пяк кудозти, Крхтажти.
Сельмоняне тядязень най няельхть,
Мяльне ваяльхть идень удомазти.
Иттне, кода вирьса панкне, шачест,
Моральхть пацяв нармоннякс перьфпяльса.
Вандыснон бславасы катк тячись,
Афолезь юкста эсь мокшень кяльснон.
Келькселедязь, Атерь, шись и ковнясь,
Пиземсь пяшкодеза коське ляйцень.
Шкайсь максоза модать эждемс ловня,
Шумбраши эрь конакцти , эрь сайцти.
Сургаева О.П.
Следующая публикация
Комментарии 15
И паксявельнясь и Дерьбовкась и Гагаринась и сембе ульцятьне,веленетьне, конатненьди шетьнесь пильгонеке аф юкставихть,
Нина пяк кенерьдень что тусь Атерень ломатьнень мельс стихозе.
Кельктедезь сембонь,
Уледа скрось тазанят и павазуфт!
Атерь веленеке скрось ульсь и ули шнама вастса,
Пяк пара мелезон мутада етка лувомс стихонень.