Мой расказ будзе зноў пра Яўгенчыка. Так люблю гэтага хлопчыка за яго непрадсказальнасць і дзівавіжнасць.
Яўген селета пайшоў у школу ў 3 клас. Здавалася б, ну і што тут такого, але ж, як і для ўсіх дзетак яго ўзросту, жыццё раскрывае свае таямніцы і дзівосы.
З такога вось бесклапотнага хлапчука , які ганяўся за матылькамі і чарапахамі, ён ператвараецца ў гарадскога шпінгалета, якому падабаюцца цяпер і дзяўчынкі. Не толькі чарвячкі, якія хаваюцца пад бервяном. Яму яшчэ толькі ў кастрычніку спойніцца 9 гадоў. У школе Яўгенчык сустракае ўсё больш сяброў па новых інтарэсах, змяняецца яго жыцце , становіцца больш разнастайным.
Новыя спартыўныя гульні ў двары з сябрамі цягнуць хлапца ўсё мацней і мацней. Але ж не трэба забываць пра вучобу. Куды ж без ведаў...
Я, як і абяцала, прыехала да яго ў госці. Якраз быў дзень горада.
Гэта было сапраўднае свята. У вачах хлапца і яго сястрычкі Вікторыі бліскалі яскравыя агеньчыкі шчасця. Колькі атракцыёнаў і забаў! Душа весялілась і хацелася пабываць усюды: забрацца вышэй, прыгнуць як надалей. А маленькая поні на сабе вазіла дзетак, якія з радасцю не маглі налюбавацца на жывелінку з мультфільма .
Паравозікі і машынкі ездзілі па кругу, весялілі не толькі дзетак, але і дарослых. Паўсюды былі музыка і спеўкі, вакол радасць і жыццё! Сапраўднае свята!
Дзень прайшоў амаль імгненна. Былі яшчэ вялічэзны белы палярны мядведзь, лазарнае шоў і напрыканцы, уражаючы па сваіх памерах, салют! Са святам усіх і вялікі дзякуй за гасціннасць, горад на Прыпяці - Мазыр! Сустрэнемся ўжо скора на тваім дні нараджэнні, даражэнькі племяшка!
Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
Комментарии 3