Предыдущая публикация
О Н А Е Р И М Д У Ш М А Н Л А Р И Г А .
Биродарлар виждонларни ичяпмизми?
Мехрсизлик осмонига учяпмизми?
Ёки ердан оймомога кўчяпмизми?
Манманликни ўрганяпмиз ох қаердан?
Ҳаммамиз ҳам яралганмиз ахир ердан.
Инсоният Онасидир шу Она-ер!
Урушлардан ҳануз ғамгин, ғамхона ер,
Бошингни эг, бу оламда бир дона ер,
Хасталикни ўрганяпмиз ох қаердан?
Инсон бўлиб яралганмиз ахир ердан.
Худомассан, авлиёмас, ё фаришта,
Ўлдир, куйдир, ушла, ёндир ҳар қаричда,
Одам бўлиб, бўлолмадик ҳеч саришта,
Ёвузликни ўрганяпмиз ох қаердан?
Отанг каби яралгансан ахир ердан.
Болаларга куч ишлатган ҳой муттаҳам,
Сендаги куч бор эшшакда, ё итда ҳам,
Йўқ бўласан қолмай сира ўв битта ҳам,
Номардликни ўрганяпмиз ох қаердан?
Оёғингни узолмайсан ахир ердан.
Дунёи дун дунё эмас осмонларсиз,
Сахроларсиз, дарёларё, уммонларсиз
Манзилларсиз, ва ям-яшил ўрмонларсиз
Жаллодликни ўрганяпмиз ох қаердан?
Энди олам ўқиляпти ахир ердан
Пичоқбозлик қилганларинг етар шунча,
Қобиғингда урнашвоган бир тушунча,
Ер -шарига ҳа деб озор етказгунча,
Эсингни йиғ, дарс оляпсан ох қаердан?.
Билмасанг бил, яралгансан ахир ердан.
Ер кутади сен кечирим сўрашингни,
Оқимингга қарши туриб курашингни
Ёвузликни эзгуликкка бурашингни,
Хоинликни ўрганяпмиз ох қаердан,
Манзил йўқку кўкда бошқа ахир ердан.
Бу дунёга пайдо бўлдинг ох қаердан,
Йиғлаб узр сўра бугун ОНА-ЕРдан!!!
Мақсуджон Ёдгоров. 05.09.2017г.
Следующая публикация
Комментарии 6