Предыдущая публикация
ФУНДАМЕНТ ЖЫЦЦЯ
ГРОШЫ
Што ні кажыце, а грошы ўсё-такі - аснова нашага дабрабыту. Хто ты без грошай? Ніхто. Хаця, калі ўзважыць чутае-перачутае, чытанае-перачытанае ды ўзятае з вопыту за пражытыя гады. то бачыцца, што грошы -- гэта палка з двумя канцамі, дзе адзін канкец - дабро, другі - зло, і прыходзіш да высновы, што:
- за грошы можна купіць ложак, але не сон; ежу, але не апетыт; лякарства, але не здароўе;
- за грошы можна купіць добрага сабаку, але не падкупіш, каб ён брахаў; можна купіць ката, але не заставіш, каб ён лавіў мышэй;
- за грошы не купіш шчырасці сябра, вернасці жонкі, а таксама розуму і таленту;
- за грошы можна купіць білет куды ўгодна, толькі не ў рай; і за грошы яшчэ ніхто не адкупіўся ад смерці, нават каралі, цары і прэзідэнты;
- За грошы рэдка калі набываюць сяброў, затое вельмі часта набываюць ворагаў. Чым больш маеш гршай, тым больш іх хочацца. І чым больш багацее чалавек, тым больш становіцца сквапным (жадным). Калі ты ажаніўся на грашах, то станеш не гаспадаром іх, а слугою.
- Грошы пастаянна рвуцца да ўлады і, найчасцей несумленным спосабам, перамагаюць;
- і яшчэ - грошы не ведаюць ні чэсці, ні сумлення; іншы раз мяняюць воблік і вартасць (стоимость), у іх бываюць узлёты і падзенні, росквіты і гібель; у час вайны на іх хтосьці багацее.
Але як бы там ні было, грошы -- фундамент чалавечага жыцця і вытворчай эканомікі.
Следующая публикация
Комментарии 3