Ոչ մի տառ ավել, ոչ մի տառ պակաս։ Հենց էդպես՝ պլանավորիր և գործիր։
Ինչքա՜ն ժամանակ են մարդիկ ծախսում զղջալով, վախենալով, երկմտելով, սգալով, պահանջելով, վերականգնվելով, ուշքի գալով։ Ավելորդ ծախսած ժամանակ, որը կարող էր օգտագործված լինել նպատակին հասնելու համար։
Երբ դու ընկնում ես և ոտքդ քերծվում է, արյուն է գալիս, ինչ ես անում?
Պառկում ես գետնին և տխրում? Մտածում թե ախր ինչու զգույշ չէիր, ախր ինչու էիր շտապում, ախր ինչպես սա եղավ?
Չէ, դու մաքրում ես վերքը, փորձում դիմանալ ցավին և բուժել վերքդ։ ԱՆՄԻՋԱՊԵՍ։ Որովհետև մնացած ՑԱՆԿԱՑԱԾ բան անիմաստ է և չի օգնելու։ Քո լացը չի օգնելու։ Զղջումներդ չեն օգնելու։ Մտավախություններդ չեն օգնելու։ Օգնելու է ՄԻԱՅՆ գործողությունը։
Նույնը և կյանքում։ Խնդիրների ի հայտ գալիս չպետք է անգործության մատնվել կամ էներգիան անիմաստ վատնել օգուտ չտվող բաների վրա։ Դու ունես մեկ նպատակ՝ լուծել խնդիրը, և այսուհետ քո ցանկացած գործողություն, որը ուղղված չի լինի դրան, կդիտարկվի որպես դավաճանություն ինքդ քո նկատմամբ, քանի որ դրանով դու ավելի կխորացնես խնդիրը։
Մի կողմ ենք դնում էմոցիաները, մի կողմ ենք դնում գնահատականները, "լավն ու վատը" կորոշենք հետո, հիմա մեկ խնդիր կա մեր առջև, և դա պետք է լուծել հնարավորինս լավ և արագ։
Ֆիքսիր սա քո մոտ և այսուհետ ՑԱՆԿԱՑԱԾ խնդրի առջև կանգնելիս կրկնիր սա մինչև չլուծես դա՝
1. Չանել ոչ մի բան, որը օգուտ չի տա խնդրի լուծմանը։
2. Անել ամեն հնարավոր բան, որը օգուտ կտա խնդրի լուծմանը։
Կրկնիր սա այնքան անգամ, մինչև այս մտածելակերպը չդառնա քո մի մասնիկը։
Ցանկանում ես մեքենա? Շատ լավ, մտածիր դա վաստակելու ուղղությամբ, ընդունվիր աշխատանքի, ինքնակատարելագործվիր և բարձրացրու որակավորումդ, ավելի շատ գումար վաստակիր և ի վերջո կհասնես նպատակիդ։ Միայն երազելով դրա մասին և լացելով, որ չունես, դրան չես հասնի։
Ընկել ես փոսի մեջ? Արա ամեն ինչ, որ դուրս գաս դրանից, ոչ թե նստիր և տխրիր, մտածելով, թե ինչքան լավ է փոսից դուրս գտնվողների կյանքը, և ինչքան անարդար է, որ դու փոսում ես։ Մագլցիր վերև, եղունգներդ մաշեցրու պատերը քերելով, մինչև հայտնվես բարձունքում։
Պլանավորիր և գործիր։
Քանի որ միայն այդ կերպ է հնարավոր լուծել խնդիրները։
Присоединяйтесь к ОК, чтобы посмотреть больше фото, видео и найти новых друзей.
Нет комментариев