”Нам ёсць чым ганарыцца, нам ёсць што берагчы!“ Назва першага ўрока ў Дзень ведаў - 2024!
Размова з вучнямі 6”А“ класса ДУА ”Шаркаўшчынскай СШ№1“ ішла аб Беларусі, нашай роднай Шаркаўшчыне, якой ужо 521 год!
- Чым мы павінны ганарыцца?! - першае пытанне, пасля прывітання з вучнямі, ад бібліятэкара Людмілы Казіцкай.
Размова пайшла памяркоўная, шчырая, цікавая.
Чым Беларусь адрозніваецца ад іншых народаў, як сябруе з іншымі народамі? Пра велічныя помнікі гісторыі, аб іх захаванні.
Потым, аб малой радзіме - Шаркаўшчыне. ”Казкі пра Шаркаў-Град“ - адзіная кніжка ў Беларусі ў якой казкі і легенды напісаны мясцовымі дзецьмі і ўпрыгожаны малюнкамі вучняў ДШМ! Размова ішла аб духоўнасці і роднай мове. Відэастужка ”Калі спытае цябе ў будучым сын твой, альбо дачка...“ аб велічным Францыске Скарыне, адказала дзецям на пытанне :”Хто я? Кім ганарусь?“
Як зберагчы мову, традыцыі, творчасць беларусаў?! Трэба чытаць, пісаць,размаўляць, спяваць на ёй! Як робяць , напрыклад, удзельнікі Народнага літаратурна-музычнага калектыва ”Світанак“, мясцовыя паэты і пісьменнікі. Як робіць дзіцячая бібліятэка, падтрымліваючы сувязь з часопісамі краіны, пісьменнікамі, паэтамі, якіх часта запрашае на сустрэчы ў чытальную залу.
А галоўнае - любіць шчыра, берагчы заўсёды сваё роднае, непаўторнае, каб не сышлі ў Цемру. І з гонарам казаць. Я - беларус!
Присоединяйтесь к ОК, чтобы посмотреть больше фото, видео и найти новых друзей.
Нет комментариев