Предыдущая публикация
Тӑван тавралӑх
Тавралӑх пирӗн пуян,
Нихҫан вӑл асран тухман.
Ҫӑтмахри пекех туян,
Эс унта килсе курсан.
Тавралӑх! Сана савса
Мӗнле сӑвӑ ҫырам-ши?
Ытарлӑ сӑмах тупса
Сана мӗнле хаклам-ши?
Ман тӑван тавралӑхӑм!
Мӗн тери илемлӗ эс.
Савӑн эс, тӑванӑмӑм!
Акӑ вӑл пирӗн кӗтес:
Сивӗ хӗл килсе ҫитсен,
Ҫӗр питне шур юр ҫӑвать.
Таврана илем килсен,
Чӗрене вӑй хушӑнать.
Мамӑк пек чӑмӑрккипе
Кӑпӑшка юр сапалать.
Ҫӗнӗ пирӗн тӗркипе
Ҫӗр питне юрпа хуплать.
Кекен сӑрчӗн ҫийӗ те
Ҫӗн тухъя халь тӑхӑнчӗ.
Хулпуҫҫийӗ куҫ умне
Теветкеллӗ курӑнчӗ.
Кекен ялӗ, Мелания Никифорва.
Следующая публикация
Нет комментариев