=================
Бир ишкер адам өмүр бою иштеп, коп байлык топтойт. Өмүрүнүн көпчүлүк бөлүгүн байлыгын көбөйтүүгө арнайт. " Байлык топтоп алып, анан карыганда ырахатка батып, эс алам" деп жүрүп, убакыттын кандай өткөнүн билбей калат. Бир күнү ага өлүм периштеси келет. "Өмүр бою иштеп жүрүп, минтип тапканымдын үзүрүн көрөрдө кете беремби?" - деп, аргасыз өлүм периштесине жалооруй карап, бир аз убакыт беруусун өтүнөт. Ал сунушка макул болбогонун көргөндөн кийин бардык байлыгынын учтон бирин берүүнү сунуштайт. Бирок өлүм периштеси ага да макул болбойт. Байлыгынын жарымын, андан кийин тапканынын баарын беруу сунушу да кабыл алынбайт. Ошондо ал акча топтойм деп жүрүп, үй-бүлөсүнө татыктуу да көңүл болбогонун, туугандары менен да жакшы катышпаганын эстейт да, жок дегенде, акыркы ирет жашоонун чыныгы даамын татып калууга, үй-бүлөсү менен, жакын туугандары менен жакшылап коштошуп алууга бир кун сурайт. Бирок өлүм периштеси анын өтүнүчүн кабылдабайт. Ошондо айласы кеткен ишкер акыркы каалоосу катары коштошуусун жазып калтырууга убакыт сурайт, анын бул өтүнүчү кабыл болот. Ошондо ишкер ак баракка мындай керээзин жазган экен: " Жашоодо убакытты туура пайдалангыла!!! Мен өмүр бою топтогон байлыгыма бир күндүк өмүрдү сатып ала албадым. Ошондуктан бул бир келген жашоодо татыктуу өмүр сүрүп, үй-бүлөгө, жакындарыңарга көңүл бөлүгүлө. Дүнүйөгө алданбагыла жана бул жашоодо өзүңөр үчүн чыныгы байлык эмне экенин аныктап алгыла. Мына ошондо, өлүм периштеси келгенде, жашап откон жашооңор үчүн арманда калбагандай болгула!!!".
Интернет булактарынан алынды.
Присоединяйтесь к ОК, чтобы посмотреть больше фото, видео и найти новых друзей.
Нет комментариев