Предыдущая публикация
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
Сўзларини товлаган,
Камчилигим овлаган,
Менга чуқур ковлаган,
Ғанимларим яшасин.
Паҳта ўраб тош отган,
Сирларим арзон сотган,
Билиб гуноҳга ботган,
Ғанимларим яшасин.
Эътирофим ёпгувчи,
Тирноқдан кир топгувчи,
Итдай ҳуриб қопгувчи,
Ғанимларим яшасин.
Боши айниб дайдиган,
Ўзим-ўзим дейдиган,
Одам гуштин ейдиган,
Ғанимларим яшасин.
Тили билан юрувчи,
Ғийбатдан уй қурувчи,
Ҳакдан юзин бурувчи,
Ғанимларим яшасин.
Иғволардан қур қасир,
Уяти йўқ ,бетасир,
Бир асрмас,минг аср,
Ғанимларим яшасин.
Следующая публикация
Нет комментариев