Եթե ուզում եք փոխել ձեր կյանքը, որը վաղուց ձեզ դուր չի գալիս, անհանգստացնում է, ուրեմն դուք ձեր մեջ չեք գտնում ներքին խաղաղություն, ներդաշնակություն, դուք անհաշտ եք ինքներդ ձեզ հետ: Նշանակում է` ժամանակն է հասկանալու, որ ձեր գիտակցական կյանքում առաջինը պետք է սկսեք ձեզ սիրել, գնահատել, արժեքավորել, դուք եք ձեր կյանքի նկարիչը ու թե ինչպիսի գույներով կզարգանա ձեր կյանքի ընթացքը` կախված է ձեզանից։ Գիտեմ, որ հեշտ չի լինելու սկսելը, բայց հավատացած եղեք` դա է ձեզ բերելու հաջողության։ Երբեք ուշ չէ սկսելու համար, ինքս էլ դա հասկացա շատ հասուն տարիքում ու հիմա ավելի եմ արժեքավորում կյանքը։ Պետք է առաջինը կարողանաք բարձրացնել ձեր ինքնագնահատականը, զերծ մնաք հույզերից, դա կօգնի ձեզ ամենուրեք տեսնել գեղեցիկը։

Մարդն ինքն է ստեղծում իր կյանքի պատմությունը և դա իրենից է կախված թե ինչպիսի ճանապարհ կընտրի` ապրել լիարժեք խաղաղ կյանքով թե ընտրել տագնապներով, հուզական մտքերով, ամեն ինչի մեջ վատը տեսնելով ճանապարհը ։ Պետք է ամեն օր շնորհակալ լինել թեկուզ ամենափոքր մանրուքի համար։
Սիրեք բնությունը, տիեզերքը և ինքներդ ձեզ։ Հիշեք մեր մտքերը նյութական են, և մեզանից է կախված ինչպիսի կյանքի ենք արժանի:
Դե ինչ պետք չէ երկմտել, պարզապես սկսել է պետք