Болгарның иң өлкән кешесе
Туксан бишен тутыра .
Мөкәрәмә Солтангалиева
Минем әнием була .
Сүндерми ул нигез учагын,
Тырышып дөнья көтә.
Бер гасырга якын күп еллар
Әнкәем гомер итә .
Очкыннары ,гүя, шул учакның
Әнкәем күзләрендә .
Саф күңеле,нурлы йөзе дә,
Кинә сакламый бер дә.
Утны - суны кичсә дә, һаман ,
Һич картаймый күңеле .
Балкып тора аның йөзләре ,
Бирешми әле үзе !
Кайтып төшсәк туган нигезгә ,
Самовары куелган .
Тәмле-тәмле ризыклар белән
Өстәлләре сыгылган .
Тәрәз төпләрендә гөлләре
Урамны балкыталар .
Ел әйләнәсенә ярышып,
Күкрәп чәчкә аталар .
Дога укып үтә гомере ,
Теләк тели һәркемгә .
Бигрәк тә шуңа авылдашлар
Хөрмәт итә үзен дә .
Хәзер инде безгә өйрәтә
Озак яшәү серләрен ,
Авырлыкларга бирешмичә ,
Менү гомер үрләрен :
"Хәрәкәттә - бәрәкәт- ди ул ,
Эштә үтте көннәрем .
Кояш белән бергә тордым да,
Алны - ялны белмәдем .
Чамасын белеп тукландым мин,
Артыгын бер капмадым .
Жиләк - жимеш һәм яшелчәләр-
Яраткан ризыкларым .
Итле , камыр ашлары минем
Өстәлдә булды сирәк .
Әйтә торган иде дуслар :
"Яшисең бигрәк мәзәк !"
Кабак бәлешен үз иттем ,
Пәйгамбәрләр ризыгын .
Дусларым хәмер эчкәндә ,
Эчтем чөгендер суын .
Саф һавада күбрәк булырга ,
Су коенырга яратам .
Сәламәт булып көн итүләр
Үзеңнән тора , балам !
Озак яшәүләр - газап түгел ,
Ә шатлык алып килсен .
Илләр һәм көннәр тыныч булсын ,
Ковид дигәнең бетсен ! "
...Сүндермичә нигез учагын
Әнкәем гомер итә.
Яшә,син,безнең кадерлебез ,
Яшә, әни ,йөзгәчә!
ВЕНЕРА ШӘЙХИСЛАМОВА
10 .01 .2022
(Аллаһка шөкер , әниебез 98 яшен тутыра. Яттан Көръән аятләре укый, безне каршы ала, изге теләкләрдә озатып кала. Моннан да олы бәхет бармы икән дөньяда?!)
5.03.2024.
Присоединяйтесь к ОК, чтобы посмотреть больше фото, видео и найти новых друзей.
Комментарии 30