Предыдущая публикация
Белла, чао!
(Италияныҥ фашисттерге удура
партизандар кожоҥы аайынча)
Бӱгӱн эрте мен тургам,
Чыккан кӱнге сӱӱнедим.
Јуучыл эзен ийедим,
Фашисттерди јулдайдым.
Эзен, эне, энейим!
Эзенимди айдадым.
Эзен, эзен, Тӧрӧлим!
Эл јайымын корыйдым...
Белла, чао! Белла, чао! Чао, чао, чао!
Јӱрӱм, јайым адына
Јӱрек согыл сӱӱмјилӱ,
Кӧк теҥери алдында
Кӧӧкӱм јӱрӱм эрчимдӱ.
Белла, чао! Белла, чао! Чао, чао, чао!
Кижиликтиҥ адына
Тартыжарым, энейим.
Кара кӱчтер алдына
Тӱштен кӱӱнди тообойдым.
Белла, чао! Белла, чао! Чао, чао, чао!
Мен эзен, эне, мен эзен!
Ӱргӱлјикке бӱдедим,
Алтайымга айланарым.
Албатымга менеҥ эзен!
Белла, чао! Белла, чао! Чао, чао, чао!
Эзен, эзен! Менеҥ эзен!
Следующая публикация
Нет комментариев