ӨТӨТ ӨМҮР
Өтөт өмүр күндө жаңы бүр ачып,
Өтөт өмүр күндө жаңы гүл ачып.
Өргө карай кетүүдөбүз ар мүнөт,
Өлбөчүдөй күндө белес кыр ашып.
Оош кыйыш жашоо барат ыргалып,
Кээде ырдатса, койот кээде ыйлатып.
Түзөп курган түндүгүңдү учуруп,
Кетет бир күн, бороон баарын кыйратып.
Бер адамзат бири бириңе жылуулук,
Сыйлашып кал, бар байлыгың тирүүлүк.
Канча өмүр берилгенин ким билет,
Түшөт бир күн, жалбырагың үзүлүп.
Түркүк болгон өмүргө ким бар дейсиң,
Түшөт бир күн... бүт өмүрүң күбүлүп.
Өмүрбек Сейтбеков
Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
Комментарии 2