Предыдущая публикация
Туро ман мӯътабар донам, ба мисли модарам Пунғаз,
Ки бе ёдат наям як дам, намо ту боварам, Пунғаз.
Шараф бар зодагони ту, барои рушду ободӣ,
Сафо мебахшиву илҳом, туӣ болу парам, Пунғаз.
*******************
Зи роҳи ростӣ берун нарафтам,
Ба кӯи бадманиши дун нарафтам.
Ба номарде сарамро хам накардам,
Шудам ошиқ, паи Маҷнун нарафтам.
**********************
Эй, ки меҳмон омадӣ, аз роҳи дур,
Бӯи нони гарм ояд аз танӯр.
Навъи нон бисёр, аммо ин дигар,
Хоҳӣ лаззат, нони тоҷикон бихӯр.
************************
Ба ман ҳар рӯз нома менавиштӣ,
Ба дил аз дони ишқи худ бикиштӣ.
Вале, бе хайрухуш рафтӣ ту ногаҳ,
Маро аз дарди ҳиҷронат бикуштӣ.
*************************
Гулафшону гулафшону гулафшон,
Чу истора ду чашмонат дурахшон.
Бувад маҳтобӣ рухсори латифат,
Бувад мӯйҳои ту ҳамранги қатрон.
**************************
Мактабу беморхона , боғҳо бунёд шуд,
Роҳҳо мумфарш гашту хонаҳо обод шуд.
Сарвари давлат диду гуфт: -" Ин деҳа биҳишт,
Аз Урупо беҳтар" - аш хонду дилҳо шод шуд .
..
Следующая публикация
Комментарии 9