Предыдущая публикация
Воспоминание о событии 1 год назад
Тигеҙ юлдан ғына бармай тормош
Ҡырыҡ төрлө яҙмыш кешелә,
Бер ҡараһаң йырҙан ғына тора
Бер ҡараһаң һағыш түгелә.
Ғүмер ҙә бит тик бер генә килә
Бала саҡтар, йәшлек йылдары,
Үтә йәшлек, ҡартлыҡ ишек ҡаға
Һыҙлап ҡуя кинәт йөрәгең.
Мендем инде үргә тигәндә лә
Алып бәрә яҙмыш, һиҙмәйһең,
Шул күрәһең уның һынауҙары
Һуңлап ҡына бары аңлайһың.
Шартлап һына ғорур ҡарағайҙар
Хатта ҡорой ағым йылғалар,
Һаҡһыҙ рәнйетеүҙән тама йәштәр
Ҡан тамғандай һарҡып яранан.
Төшөрмәйек ләкин күңелдәрҙе
Һынай беҙҙе яҙмыш, һынаһын,
Биргән һынауҙарын күтәрергә
Ҡанаттарың берүк һынмаһын.
Закира Ганиева.
Следующая публикация
Комментарии 2