Предыдущая публикация
ПАДАРҶОН
Эй падарҷонам, туро ҳар лаҳза ёдат мекунам,
Аз дару девори хона, ман суроғат мекунам.
Кардӣ маҳрумам зи дидорат гуноҳи ман чи буд?
Гар биёӣ бори дигар, ҷон фидоят мекунам.
Чеҳраи нуронии ту доимо пеши назар,
Бо алам наззора бар сӯйи мазорат мекунам.
Хоксорият падарҷонам ба ман гардид панд,
Ман баланд аз сарвати дунё баҳоят мекунам.
Ман навозишҳои дастони туро пазмон шудам,
Эй падарҷон, бо алам, ҳар лаҳза ёдат мекунам.
Бенасиб асло нагардад кас зи дидори падар,
Ҷойи ту ҷаннат шавад доим дуоят мекунам.
Следующая публикация
Нет комментариев