Предыдущая публикация
Апам үйлөн деген кызга жолугуп.
Келейин деп жөнөп калдым оолугуп.
Кайдан билем ал жолугуу үлпүлдөк.
Көңүлүмдү коеруну оорутуп.
Апам аны мактай берип кайран күн.
Периштени элестетип алганмын.
Ошол күнү баары чыгып тескери.
Эң алгачкы элесиме алдандым.
Жолугушчу жерге барсам акырын.
Бир кыз турат, азыр айтам ачыгын.
Кебетеси коркунучтуу ал кыздан.
Маймыл дагы сулуураак катыгүн.
Дароо түштү түшөөр жерге көңүлүм.
Ушунчалык арсыз беле өмүрүм.
Бирок такыр билдирбедим анымды.
Ал кыздын да түшпөсүн деп көңүлүн.
Апам айтты демек ага үйлөнөм.
Сабыр кылып чыдаганды үйрөнөм.
Мен апамдын ооруталбайм көңүлүн.
Бирок эч жагым калбады күйбөгөн.
Сүйлөшүмүш болуп турдук кобурап.
Жакшы ой тилектер кеткен ыдырап.
Ошол күнү бүркөө эле асман да.
Бир маалда жамгыр кирди дыбырап.
Жүр деп тартсам паана жерге ал кызды.
Көнбөй койду, сүйөт имиш жамгырды.
Ошол бойдон жүзүн тосуп жамгырга.
Көпкө турду, жамгыр сүйүү тагдырбы?!
Жамгыр токтоп аздан кийин жаныма.
Басып келип тик караса көзүмө.
Башка эле сулуу турат жылмайып.
Ишене албай өзүм кеттим өзүмө.
Көзүн кара, кашын кара! кашы каш.
Кызгангандай болуп кеттим аны аз.
Неге өзгөрдү? көрсө деген жамгырга.
Бүт жуулуп кеткен экен макияж)))
автор: Таирбек Ерматов
Следующая публикация
Комментарии 13
Суйуу кучойт аллолоонуп от болуп .
Суйгонундун кадырына жетпесен.
Суйбогун сен жаш журокту чок кылып