Бер иртәдә уянырсың минсез,
Кышның салкын карсыз таңында,
Кыен булыр, яныңда буш мендәр,
Һәм бик шомлы тынлык җаныңда.
Кайтарасың килер кичәгене,
Ишетәсе минем тынымны,
Чал башыңны күкрәгемә салып,
Тоясылар килер җылымны.
-Хәерле булсын көнебез, - дип
Күзләремә килер багасың,
Әйдә, өзәм, диеп, чәчләремнең
Бәсләнгәнен килер табасың.
Ләкин... Иртә саен синсез торам,
Буш мендәрдән салкын бөркелә,
Шомлы тынлык күңелне газаплый,
Яшьләнгән йөрәгем дер килә.
Кайтарасым килә кичәгене,
Ишетәсе килә тыныңны.
Чал башымны күкрәгеңә салып,
Эх, тоярга назың, җылыңны!
Күзләр түгел инде, җаным яшьле,
Тама гына түгел, агалар...
Вакыт дәва диләр, әле һаман
Ник төзәлми икән яралар???
Венер ФӘТТАХ 26.10.2021 ел
Присоединяйтесь к ОК, чтобы посмотреть больше фото, видео и найти новых друзей.
Нет комментариев